فوتو: etoonda.livejournal.com

الداعى جاقىن جىلدارى ورتالىق ازيا ەلدەرىندە 8 ملن قىتاي ءومىر ءسۇرۋى مۇمكىن. مۇنداي پىكىردى رەسەيدىڭ ۇلتتىق ەكونوميكا زەرتتەۋ ۋنيۆەرسيتەتى جوعارى مەكتەبىنىڭ شىعىستانۋ ءبولىمىنىڭ مەڭگەرۋشىسى الەكسەي ماسلوۆ مالىمدەدى، دەپ حابارلايدى قازتاگ. 

ونىڭ سوزىنشە، قىتايدىڭ نەگىزگى ارەكەتى ورتالىق ازيانى ءوزىنىڭ ەكونوميكاسىنا تارتۋ بولىپ وتىر. سەبەبى مەملەكەت ەنەرگورەسۋرستار نارىعىنا شىعىپ، كاپيتال ەكسپورتىن قولعا الۋ كەرەك.

"قازىر قىتاي ساياساتىنىڭ سولتۇستىك-باتىس ۆەكتورى بار. ونىڭ نەگىزى مىنادا: قازاقستانعا جاناسا ورنالاسقان سينتسزيان ۇيعىر اۆتونومدى اۋدانىندا قونىستانعان قىتايلىقتاردىڭ سانى سوڭعى جىلدارى بىردەن كوبەيىپ جاتىر. قازىرگى تاڭدا ولاردىڭ سانى شامامەن 30 ملن ادام جانە الداعى ۋاقىتتا 100 ملن-عا جەتۋى مۇمكىن. ءتىپتى شەتەلگە دە قونىستانادى", - دەدى ول مەنەدجمەنت تاۋەكەلدەرى جونىندەگى 8 حالىقارالىق كونفەرەنتسيادا.

ماسلوۆتىڭ ايتۋىنشا، وسى بولجامدارعا سايكەس، ورتالىق ازيا ەلدەرىندەگى قىتايلاردىڭ سانى بىرنەشە جىلدا 8 ميلليونعا جەتەدى. ال قازتاگ ءجۋرناليسىنىڭ "قازاقستانعا ورنالاساتىن قىتايلاردىڭ ۇلەسى قانشا بولۋى مۇمكىن؟" دەگەن سۇراعىنا ول "شامامەن 2/3 بولىگى" دەپ جاۋاپ بەردى.

ءبىز قىتايدىڭ كەيبىر اتىشۋلى باعدارلامالارىنا، ۇيىمدارىنا قاتىسىپ، ەكونوميكامىزدى كوتەرەدى دەپ سەنىم ارقانىمىزبەن، ءوزىمىز توسقاۋىل بولا المايتىن باسقا دا قاۋىپتىڭ استىندا قالۋمىز مۇمكىن.

“The Qazaq Times”