Foto: etoonda.livejournal.com

Aldağı jaqın jıldarı Ortalıq Aziya elderinde 8 mln qıtay ömir sürui mümkin. Mwnday pikirdi Reseydiñ Wlttıq ekonomika zertteu universiteti Joğarı mektebiniñ şığıstanu böliminiñ meñgeruşisi Aleksey Maslov mälimdedi, dep habarlaydı QazTAG. 

Onıñ sözinşe, Qıtaydıñ negizgi äreketi Ortalıq Aziyanı öziniñ ekonomikasına tartu bolıp otır. Sebebi memleket energoresurstar narığına şığıp, kapital eksportın qolğa alu kerek.

"Qazir Qıtay sayasatınıñ soltüstik-batıs vektorı bar. Onıñ negizi mınada: Qazaqstanğa janasa ornalasqan Sin'czyan Wyğır avtonomdı audanında qonıstanğan qıtaylıqtardıñ sanı soñğı jıldarı birden köbeyip jatır. Qazirgi tañda olardıñ sanı şamamen 30 mln adam jäne aldağı uaqıtta 100 mln-ğa jetui mümkin. Tipti şetelge de qonıstanadı", - dedi ol menedjment täuekelderi jönindegi 8 halıqaralıq konferenciyada.

Maslovtıñ aytuınşa, osı boljamdarğa säykes, Ortalıq Aziya elderindegi qıtaylardıñ sanı birneşe jılda 8 millionğa jetedi. Al QazTAG jurnalisiniñ "Qazaqstanğa ornalasatın qıtaylardıñ ülesi qanşa boluı mümkin?" degen swrağına ol "şamamen 2/3 böligi" dep jauap berdi.

Biz Qıtaydıñ keybir atışulı bağdarlamalarına, wyımdarına qatısıp, ekonomikamızdı köteredi dep senim arqanımızben, özimiz tosqauıl bola almaytın basqa da qauiptiñ astında qalumız mümkin.

“The Qazaq Times”