اقش ساۋد ارابياسىنا يەمەندەگى سوعىس ءۇشىن اسكەري قولداۋىن توقتاتۋى مۇمكىن. بۇل تۋرالى بايدەن مەملەكەتتىك دەپارتامەنتتەگى كەزدەسۋدە مالىمدەگەن.

بايدەننىڭ كەزەكتى مالىمدەمەلەرى قازىر اقپارات قۇرالدارىندا قىزۋ تالقىعا تاقىرىپ بولدى. ونىڭ «امەريكا قايتىپ ورالدى» دەگەن سوزدەرىن ءتۇرلى باسىلىمدار ءار قىرىنان تالداپ جاتىر. بايدەن سوزىندە اقش-تىڭ جاھاندىق دەڭگەيدەگى ديپلوماتيالىق قادامدارىن ارتتىراتىنىن جەتكىزدى. بۇل باعىتتا بايدەن باس ديپلوماتى ەنتوني بلينكەن مەن ونىڭ مەم. دەپارتامەنتتەگى ارىپتەستەرىنە جاۋاپتى مىندەت جۇكتەيتىنىن ايتقان.

گەرمانيادان اسكەرلەردى كەرى شەگىندىرۋ پروتسەسىن توقتاتقانىن مالىمدەگەن بايدەن، يەمەندەگى سوعىس ءۇشىن ساۋد ارابياسىنا بەرىپ وتىرعان اسكەري كومەكتى توقتاتاتىنىن ايتقان. بۇعان قوسا، قۇراما شتاتتار ساۋد ارابياسىمەن بىرقاتار قارۋ-جاراق ساۋداسى تۋرالى جوبالاردى دا توقتاتپاق.

“The Qazaq Times”