ۇلتتىق ۇلان ساردارلارى. فوتو: inform.kz

قازاقستان رەسپۋبليكاسى قارۋلى كۇشتەرىنىڭ قۇرىلعانىنا 25 جىل، ۇلتتىق ۇلان اسكەرىنىڭ قۇرىلعانىنا 25 جىل تولۋىنا جانە قازاقستان رەسپۋبليكاسىنىڭ مەملەكەتتىك  رامىزدەر كۇنىنە وراي 2017 جىلعى 02 ماۋسىم كۇنى ساعات 15.00-دە الماتى قالاسىنداعى اربات ورتالىعىندا المالى اۋداندىق اكىمدىگىنىڭ قولداۋىمەن قازاقستان رەسپۋبليكاسى ۇلتتىق ۇلانىنىڭ «گەنەرال» اتتى كونتسەرتتىك توبىمەن (توپتىڭ كوركەمدىك جەتەكشىسى زاپاستاعى مايور ەلەنا ەۆستراتەنكو) «وفيتسەر بولۋ –  ناعىز ەرلەردىڭ ءىسى» اتاۋىمەن كونتسەرتتىك باعدارلاماسى وتەتىن بولادى.

ۇلى جەڭىس كۇنى قارساڭىندا قازاقستان رەسپۋبليكاسى ۇلتتىق ۇلانىنىڭ باس قولباسشىسى گەنەرال-لەيتەنانت رۋسلان جاقسىلىقوۆتىڭ باستاماسىمەن وڭىرلەردە «وفيتسەر بولۋ –  ناعىز ەرلەردىڭ ءىسى!» اتتى اسكەري-پاتريوتتىق اكتسيا باستاۋ العان بولاتىن. اكتسيا بارىسىندا ۇلاندىقتار قالا مەن وڭىرلەردەگى مەكتەپ وقۋشىلارىنا ۇلتتىق ۇلاننىڭ قارۋ-جاراقتارى مەن ماتەريالدىق-بازالارىن تانىستىرىپ، ۇلتتىق ۇلان اسكەرىنىڭ تىنىس-تىرشىلىگى جايلى اڭگىمەلەر ءوربىتىپ، ۇلتتىق ۇلاننىڭ جوعارى اسكەري ينستيتۋتىنا تۇسۋگە ۇگىت-ناسيحات جۇمىستارىن جۇرگىزگەن بولاتىن.

اكتسيا باستاماسىنا وراي، وتكىزىلگەلى وتىرعان ءىس-شارانىڭ نەگىزگى ماقساتى وسكەلەڭ ۇرپاقتىڭ بويىندا وتانعا دەگەن پاتريوتتىق سەزىمدى وياتۋ، ەلىنە قالتقىسىز قىزمەت ەتۋ، قازاقستان رەسپۋبليكاسى مەملەكەتتىك رامىزدەرىن ءسۇيۋ مەن قۇرمەتتەۋگە تاربيەلەۋ، ۇلتتىق ۇلان اسكەرى تۋرالى ماعلۇمات بەرۋ، ولاردى، ۇلتتىق ۇلاننىڭ جوعارى اسكەري ينستيتۋتىنا تۇسۋگە ناسيحاتتاۋ بولىپ تابىلادى.

اسكەر تەكتەرىنىڭ دامۋىنىڭ نەگىزىن كادرلىق وفيتسەرلەر قۇرايدى. بىلىكتى وفيتسەر كادرلاردى دايىنداۋ ماقساتىندا قازاقستان رەسپۋبليكاسى ۇكىمەتىنىڭ 1997 جىلعى قاۋلىسىمەن پەتروپاۆل قالاسىندا ۇلتتىق ۇلاننىڭ جوعارى اسكەري ينستيتۋتى قۇرىلعان بولاتىن. قۇرىلعان كۇنىنەن باستاپ اتالعان وقۋ ورنى 3000 اسا كادرلىق وفيتسەر ماماندارىن دايارلاپ شىعاردى. قازىرگى تاڭدا ولار قازاقستان رەسپۋبليكاسى ۇلتتىق ۇلانىنىڭ، ۇلتتىق قاۋىپسىزدىك كوميتەتىنىڭ شەكارا اسكەرلەرىنىڭ جانە قورعانىس مينيسترلىگىنىڭ اسكەري بولىمدەرىندە ەلىمىزدىڭ قورعانىسىن كۇشەيتۋ سالاسىندا جەمىستى ەڭبەك ەتىپ ءجۇر.

ءوزىنىڭ قۇرىلعان كۇنىنەن باستاپ ۇلتتىق ۇلاننىڭ اسكەري ينستيتۋتى قۇقىق قورعاۋ اسكەرىنىڭ جوعارى ءبىلىمدى، ءارى بىلىكتى ماماندارىن دايارلايتىن بىردەن-ءبىر جوعارعى اسكەري وقۋ ورنى بولىپ تابىلادى.

قازاقستان رەسپۋبليكاسىنىڭ مەملەكەتتىك رامىزدەر كۇنىنە وراي ءىس-شارانىڭ شىمىلدىعى ۇلتتىق ۇلان وركەسترىنىڭ قازاقستان رەسپۋبليكاسىنىڭ مەملەكەتتىك گيمنىن ورىنداۋمەن اشىلادى جانە ۇلتتىق ۇلاننىڭ تۋ ۇستاۋشى توبى الاڭعا قازاقستان رەسپۋبليكاسىنىڭ مەملەكەتتىك تۋىن سالتاناتتى تۇردە شىعاراتىن بولادى.

ءىس-شارا بارىسىندا جيىلعان قاۋىمعا مەملەكەتتىك رامىزدەر كۇنىنە وراي فلەشموب جانە اسكەري قىزمەتشىلەردىڭ قويان-قولتىق ۇرىس تاسىلدەرىنەن كورسەتىلىمدەر بولادى. سونىمەن قاتار ۇلتتىق ۇلاننىڭ «گەنەرال» توبى جانە ۇلتتىق ۇلان وركەسترىنىڭ ورىنداۋىندا ۇلى وتان سوعىسى جىلدارىنداعى اسكەري اندەرمەن قاتار پاتريوتتىق رۋحتاعى اندەر دە ورىندالاتىن بولادى.

ءىس-شاراعا الماتى قالاسى المالى اۋدانى اكىمدىگىنىڭ وكىلدەرى، ۇلتتىق ۇلان «وڭتۇستىك» وڭىرلىك قولباسشىلىعىنىڭ اسكەري قىزمەتشىلەرى، اسكەر ارداگەرلەرى، «ارىستان» مامانداندىرىلعان ليتسەيىنىڭ، ب. مومىشۇلى اتىنداعى رەسپۋبليكالىق مەكتەپ-ينتەرناتىنىڭ، قالا مەكتەپتەرى مەن ليتسەيلەرىنىڭ وقۋشىلارى جانە قوعامدىق ۇيىمداردىڭ وكىلدەرى، قالا تۇرعىندارى قاتىساتىن بولادى.

qazaqtimes.com