قازاقستاننىڭ مۇنايىنا سۇرانىس ازايىپ كەتتى

2%-عا تومەن.

بۇدان نارىقتا مۇنايعا سۇرانىس بۇرىنعا قالىپقا كەلمەگەنىن جانە قازاقستاننىڭ مۇنايىنا دا، شەشەلدىك قارا التىنعا دا سۇرانىستىڭ ازايعانىن كورۋگە بولادى.

قازاقستان بيلىگى مۇنايدان تۇسەتىن تابىسقا تاۋەلدى بولماۋدىڭ جولىن قاراستىرعانمەن،  ەكسپورتتان تۇسكەن ءتۇسىمنىڭ ەڭ كوپ بولىگىن وسى شيكىزات ونىمدەرى قۇراپ وتىر. جالپى 2016 جىلى مۇنايدى ساتۋ ۇلەسى  55%-دان 57%-عا دەيىن وسكەن. دەگەنمەن بۇل 2012-2014 جىلدارداعى كورسەتكىشپەن سالىستىرعاندا تومەن.

قازاقستاننىڭ مۇنايىن ەڭ ءىرى كولەمدە ساتىپ الۋشى بۇرىنعىداي يتاليا ەلى. ساتىلىمنان تۇسكەن پايدانىڭ 34,8%-ىن وسى ەل قامتاماسىز ەتىپ وتىر.  بىر جىل ىشىندە يتاليا قازاقستاننان 545 ملن دوللارعا مۇناي ونىمدەرىن ساتىپ العان. سونداي-اق، قازاقستاننان فرانتسيا 497 ملن دوللارعا،  نيدەرلاندى 203 ملن دوللارعا مۇناي ساتىپ العان.

دەگەنمەن قازاقستاندىق شيكىزاتقا سۇرانىستى جاپونيا، قىتاي جانە يسپانيا بىردەن ازايتىپ جىبەرگەن. مىسالى وسى جىلدىڭ قاڭتارى مەن ناۋرىز ايىندا جاپونيادان تۇسەتىن ءتۇسىم  102,5 ملن دوللارعا، قىتايدان 91 ملن دوللارعا ، يسپانيادان تۇسەتىن ءتۇسىم 79,5 ملن دوللارعا ازايعان.

“The Qazaq Times”