يران مۇناي ەكسپورتى قۇلدىراۋى مۇمكىن. فوتو: Al Bawaba.

جاقىندا اقش ۇكىمەتى يرانعا قارسى ەكونوميكالىق سانكتسيالاردان كەشىرىم ەتىلگەن بىرقاتار ەلدى تىزىمنەن الىپ تاستادى. ولاردىڭ اراسىندا اۋستراليا، جاپونيا جانە تايۋان قاتارلى وداقتاستارى مەن ءۇندىستان جانە قىتاي سىندى ءىرى ەلدەر دە بار. رەسەي تارابى بۇل تۋرالى مالىمدەمە جاساپ، اقش-تىڭ جاڭا شەشىمى يراننىڭ سىرتىق ەكسپورتىن «ءولتىرۋدى» جوسپارلاپ وتىر دەپ ايىپتادى.

تۇركيا ءسىم باسشىسى مەۆلۋت شاۆشوعلۋ دا بۇل تۋرالى جاساعان مالىمدەمەسىندە: «اقش-تىڭ يران سانكتسياسىنا بايلانىستى جاڭا شەشىمى الەمنىڭ بىرقاتار ەلىنە كەرى ىقپال ەتەدى»، – دەگەن.

ءۇندىستان مەن قىتاي يران مۇنايىنىڭ باستى ەكسپورت كوزى سانالاتىن. جاڭا شەشىم بويىنشا 2 مامىردان باستاپ الەم ەلدەرى اقش سانكتسياسىنىڭ ىقپالىنا ۇشىراۋدان الاڭداپ، يران مۇنايىن ساتىپ الۋدى توقتاتادى. بۇل  يراننىڭ مۇناي ەكسپورتى عانا ەمەس، تۇتاس سىرتى ەكسپورتىن كۇرت قۇلدىراتۋى مۇمكىن.

ماسكەۋدىڭ بۇعان قارسى مالىمدەمەسىندە: «تەھراننىڭ تاۋەلسىز ساياساتى قۇراما شتاتتى الاڭداتادى. سەبەبى، يران ستراتەگيالىق ماڭىزى بار ورتا شىعىستاعى قوجالىعىنا مۇمكىندىك بەرمەيدى»، – دەگەن.

“The Qazaq Times”