Jedel järdem köligi. Körneki suret. Foto: newtimes.kz / Idırış Ertay

Qazaqstanda koronavirus pen oğan wqsas pnevmoniyağa şaldıqqandar sanı tağı 3,9 mıñğa artıp, jalpı esebi 888 mıñnan astı.

Törtinşi tolqın ekpindey bastağan şilde ayınıñ ortasına qaray täuliktik sırqattar sanı 5 mıñnıñ, tamızğa qaray 7 mıñnıñ üstine şıqqan indet qarqını bir aptadan beri 4-5 mıñ keyske mañayladı. 5 qırküyekte eki aydan beri (12 şildeden) alğaş märte 4 mıñnan kem jağday tirkeldi. Densaulıq saqtau ministrliginiñ resmi mälimetinşe, elde 5 qırküyekte koronavirus (KVI+) jwqqan 3897 adam, al 4-i küni  koronavirus pnevmoniyasına (KVI-) şaldıqqan 67 adam tirkeldi jäne senbide 91 qazaqstandıq aurudan qaytıs boldı. Qazir elde 93 mıñ adam (KVI+ boyınşa 85 mıñ, KVI- boyınşa 7,5 mıñ) auırıp jatır.

#COVID Ötken küni PTR testi arqılı koronavirus jwqqanı rastalğan nauqastar qatarı tağı arttı. Olardıñ basım böligi nemese 28%-ı ädettegidey joğarı dinamikada twrğan bir ğana Almatı (1085) qalasına tiesili. Bwdan özge Qarağandı (492), astana (330), Almatı (279) jäne Pavlodar (255), Aqmola (234), Qostanay (215), Mañğıstau (209) oblıstarında epidahual äli de naşar küyde. ŞQO (148), Atırau (120), Jambıl (95), BQO (83), Qızılorda (79), Şımkent (79), SQO (74), Aqtöbe (67), Türkistan (53) öñirlerinde dert qarqını birşama bäseñdegeni bayqaladı. Keşe, jeksenbide aurudan ayıqqan 4982 adam üyine şığarılğan. 4 qırküyekte jiını 72 adam qaytıs bolğan.

#COVID_pnevmoniyası mehanikalıq ädispen esepke alınatındıqtan, demalıs künderi medstatistika jüyesi tolıq qamtılmaydı. Saldarınan keyster qatarı senbi jäne jeksenbi, mereke künderi ädettegiden aytarlıqtay az tirkeledi. Qırküyektiñ 4-i aqparatı bir täulikke keşigip beriletin koronavirus pnevmoniyasına şaldıqqan 67 nauqas esepke alındı. Vedomstvo dereginşe, bwl küni sırqattar Şımkent (11), ŞQO (9), Almatı (8), Jambıl (7), Atırau (6) oblıstarında, Almatı qalası men astanada (ärqaysında beseuden) köptep anıqtalğan. Sonımen qosa, 35 adam ayığıp şıqqan, tağı 19 adam köz jwmğan.

#Jalpı  DenMin deregine qarağanda, emdelip jatqan 93 mıñ nauqastıñ 21 mıñı auruhanada, 72 mıñdayı ambulatorlıq baqılauda. 1491 nauqastıñ jağdayı naşar, ondağı 425 adamnıñ häli öte auır. Bwdan özge 201 sırqat ökpeni jasandı jeldetu apparatımen tınıstap jatır.

Epidkartada «jasıl aymaqtağı» Türkistan oblısınan basqa ŞQO, SQO, Jambıl, Qızılorda öñirleri «sarı aymaqqa» ötken. Basqa 12 aymaq twtastay «qızıl aymaqta» twr.

DenMinniñ QT redakciyasına bergen mälimetinşe, 11 naurız ben 12 şilde aralığında PTR testi oñ körsetken 1311 sınama sekvenirlengen (ştamm türin anıqtaytın taldau). Säykesinşe, biıl köktem-jazda genomdıq zertteu nätijesinde eldiñ basım böliginen virustıñ braziliyalıq, britandıq, oñtüstikafrikalıq jäne ündistandıq ştamdarı anıqtalğan.

Biılğı jaz mezgili qazaqstandıqtar üşin qaralı habarğa tolı boldı. Pandemiya bastalğalı 1,5 jıldıñ işinde anıqtalğan barlıq auruşañdıq pen ölim jağdayınıñ jartısı tek ötken jazda, törtinşi tolqında tirkeldi. Üş ayda bas-ayağı 420 mıñ adam auırsa, 6,6 mıñnan asa adam köz jwmdı.

Bıltır 13 naurızdan beri COVID-19 infekciyasın jwqtırğandar qatarı 816 mıñnan, 1 tamızdan bılayğı koronavirus pnevmoniyası 71 mıñnan asqan. DDSW derekqorı men Wlttıq statistikada Qazaqstanda auırğandar sanı 888 mıñğa jetti. Degenmen Ükimet koronavirus pen onıñ pnevmoniyasın eki bölek esepteydi.

Pandemiya bastalğalı jalpı virus jwqqandardan 17 mıñnan asa adam (KVI+ / U07.1 – 9851, KVI- / U07.2 – 4572, ilespe aurulardan – 2633) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingenderdi jalpı statistikağa engizbeydi. Bwğan qarsı sarapşılardıñ sözine qarağanda, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Qazaqstan virus taraluı boyınşa älemde Djons Hopkins universiteti jäne DDSW tizimindegi 221 el men aymaqtıñ arasında 36-orınğa ornıqtı.

Ükimettiñ soñğı deregine qarağanda, Qazaqstanda 5,6 mln adam koronavirusqa qarsı vakcinanı tolıq alğan, al keminde birinşi dozası egilgen jwrttıñ sanı 6,8 mln-nan asadı.

The Qazaq Times