Pfizer vakcinası. Körneki suret. Foto: aşıq derekköz

Qazaqstannıñ Densaulıq saqtau ministrligi el köpten kütken Pfizer vakcinasın uaqıtşa tirkese de,  kompaniyamen äli künge deyin kelisim-şartqa qol qoymağan.

Bügin dästürli Ükimet otırısında ministr Aleksey Coy «Pfizer-BioNTech vakcinasın jetkizu josparlanıp jatır. Qazirgi uaqıtta tasımaldau, jetkizu kestesi jäne kelisimge qol qoyu mäseleleri pısıqtaluda», – dep mälimdedi.

Ol bayandamasın oqu barısında prezident Toqaevtıñ küni keşe jasağan üşinşi joldauındağı DDSW tirkegen vakcinalardı satıp alu jağın tezdetu turalı tapsırmasına toqtaldı. Coy «halıqaralıq tirkeuden ötken osınday eki türli  Sinofarm şığarğan CoronaVac jäne Vero cell ekpelerin satıp aldıq» dedi marqaya.

Osığan deyin Aleksey Coy qazaqstandıqtar wzaq kütken Pfizer ekpesi qazan ayınan bastap 12 jastan asqan balalar men jükti äyelderge salınatının habarlağan edi.

23 tamızda Pfizer Qazaqstanda uaqıtşa tirkeuden ötti. Törtinşi  toqsanda amerikalıq vakcinanıñ 2 mln dozası keledi dep josparlanğan.

Toqaev 10 şildede sözinde Ükimetti mamır ayında kelui tiis Pfizer ekpesin jetkizude üdeden şığa almay, mümkindikten ayırılıp qalğanın sınap, jauaptılardı jazalauğa tapsırma bergen. Degenmen DenMin basşılığı vedomstvo tarapınan kemşilik bolmağanın aytadı.

The Qazaq Times