قازاقستاننىڭ دەنساۋلىق ساقتاۋ مينيسترلىگى ەل كوپتەن كۇتكەن Pfizer ۆاكتسيناسىن ۋاقىتشا تىركەسە دە، كومپانيامەن ءالى كۇنگە دەيىن كەلىسىم-شارتقا قول قويماعان.
بۇگىن ءداستۇرلى ۇكىمەت وتىرىسىندا مينيستر الەكسەي تسوي «Pfizer-BioNTech ۆاكتسيناسىن جەتكىزۋ جوسپارلانىپ جاتىر. قازىرگى ۋاقىتتا تاسىمالداۋ، جەتكىزۋ كەستەسى جانە كەلىسىمگە قول قويۋ ماسەلەلەرى پىسىقتالۋدا»، – دەپ مالىمدەدى.
ول بايانداماسىن وقۋ بارىسىندا پرەزيدەنت توقاەۆتىڭ كۇنى كەشە جاساعان ءۇشىنشى جولداۋىنداعى ددسۇ تىركەگەن ۆاكتسينالاردى ساتىپ الۋ جاعىن تەزدەتۋ تۋرالى تاپسىرماسىنا توقتالدى. تسوي «حالىقارالىق تىركەۋدەن وتكەن وسىنداي ەكى ءتۇرلى Sinofarm شىعارعان CoronaVac جانە Vero cell ەكپەلەرىن ساتىپ الدىق» دەدى مارقايا.
وسىعان دەيىن الەكسەي تسوي قازاقستاندىقتار ۇزاق كۇتكەن Pfizer ەكپەسى قازان ايىنان باستاپ 12 جاستان اسقان بالالار مەن جۇكتى ايەلدەرگە سالىناتىنىن حابارلاعان ەدى.
23 تامىزدا Pfizer قازاقستاندا ۋاقىتشا تىركەۋدەن ءوتتى. ءتورتىنشى توقساندا امەريكالىق ۆاكتسينانىڭ 2 ملن دوزاسى كەلەدى دەپ جوسپارلانعان.
توقاەۆ 10 شىلدەدە سوزىندە ۇكىمەتتى مامىر ايىندا كەلۋى ءتيىس Pfizer ەكپەسىن جەتكىزۋدە ۇدەدەن شىعا الماي، مۇمكىندىكتەن ايىرىلىپ قالعانىن سىناپ، جاۋاپتىلاردى جازالاۋعا تاپسىرما بەرگەن. دەگەنمەن دەنمين باسشىلىعى ۆەدومستۆو تاراپىنان كەمشىلىك بولماعانىن ايتادى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى