Milliondağan adamğa Resey men Qıtay ekpesin memleket qarjısına salğızğan Maminniñ minkabineti el köpten üzdige kütken, swranıs joğarı, halıqaralıq qauımdastıq birıñğay moyındağan Pfizer vakcinasın äleumettik üş topqa kirmeytin köpşilik üşin aqılı etudi qarastırıp otır. 16 qaraşa 2021 jıl. Foto: QR Ükimet keñsesi

Qazaqstan Ükimeti şeteldik birneşe vakcinanı tegin, biraq el köpten kütken, qoğam swranısı zor  Pfizer ekpesin aqılı etetin qwjat qabıldamaq.

«Qazaqstan aumağında koronavirustıq infekciyanıñ taraluına jol bermeu jönindegi VAK (Vedomstvoaralıq komissiya – QT) tapsırmasına säykes, jwrttı erikti türde aqılı negizde vakcinaciyalau üşin Pfizer kompaniyasınıñ Comirnaty vakcinasın narıqta satu mümkindigi turalı ükimet qaulısınıñ jobası äzirlendi», – dedi densaulıq saqtau ministri Aleksey Coy.

Seysenbidegi dästürli ükimet otırısında prm'er-minstr Asqar Mamin aldın ala söz baylasqanday keyipte ministr Aleksey Coydıñ  wsınısın quana qoldadı.

«Adamdardıñ özderiniñ tandauı boyınşa qajet vakcinanı aqılı türde alu mümkindigi boluı üşin vakcinanı kommerciyalıq narıq segmentine jetkizu turalı wsınıstı qoldaymın», – dedi ükimet basşısı.

Maminniñ aytuınşa, koronavirusqa qarsı vakcina alatın halıq sanatı keñeyedi. Qazir 7 öñirde salınıp jatır. Olar – Almatı men Şımkent qalaları, astana jäne Jambıl, Qızılorda, Qarağandı, Türkistan oblıstarında bastalğan. Al vakcinanıñ ekinşi partiyası 20 qaraşağa deyin jetkizilmek.

Äzirge kölemi 4 mln doza bolatın Pfizer vakcinası tek jükti, bala emizetin jäne kämeletke tolmağandarğa salınadı. Densaulıq saqtau ministrliginiñ mälimetinşe, 2 mln adamdı immundauğa jetkilikti. Statistikağa säykes, Qazaqstanda 12-18 jas aralığında 1,7 mln bala bar, jılına 400 mıñ bala düniege keledi. Bilik ayşıqtağan sanatqa jatpaytın azamattar üşin ministr Coy Pfizer vakcinasımen kommerciyalıq immundau mäselesi qarastırılıp jatqanın habarladı. Degenmen birqatar sarapşılar reseylik Sputnik V vakcinası men özge de qıtaylıq ekpeler osı uaqıtqa deyin milliondağan adamğa tegin salınğanın eskersek, biliktiñ bwl qadamı qisınsız, ädildik principine qayşı degen közqarasta.

10 qaraşa küni Qazaqstanğa Pfizer kompaniyasınan 379 080 doza vakcina jetkizilgen.

22 qaraşada elde revakcinaciya nauqanı bastaladı. Osı twsta üşinşi doza retinde Pfizer ekpesin aluğa mümkindik berilmek. Alayda äu basta 2 mln adamğa qos dozadan 4 mln komponent mölşerinde josparlanğan mindettiñ äzirge tolıq nwsqauı bekitilmedi.

The Qazaq Times