Bügin, 10 qaraşa keşke Almatı qalasınıñ äuejayına el köpten kütken koronavirusqa qarsı Pfizer vakcinasınıñ partiyası jetkiziledi. Bwl turalı Almatı halıqaralıq äuejayınıñ baspasöz qızmetine süyengen QazTAG agenttigi habarladı.
«Aldın ala aqparatqa säykes bügin, 10 qaraşada sağat 19.45-te Qatar Airways äue kompaniyası Pfizer vakcinasınıñ partiyasın jetkizedi» dedi äuejay baspasöz qızmetiniñ ökilderi.
Bwğan deyin Qazaqstan densaulıq saqtau ministrligi Pfizer vakcinasınıñ 4 mln dozası qaraşa ortasına qaray elge jetkiziledi, ol 2 mln adamğa ekpe eguge jetedi dep mälimdegen.
Aşıq derekközderdegi aqparatqa qarağanda, Germaniya ğalımdarı jasap şığarğan, qazir AQŞ-ta öndiriletin bwl ekpeniñ tiimdiligi 95%-dan joğarı. Pfizer – DDSW men Europa alğaş moyındağan vakcinalardıñ biri.
Qazaqstanda bwl vakcina birinşi kezekte 12-17 jastağı jasöspirimderge jäne jükti äyelderge salınadı. Bügingi tañda AQŞ 5-11 jastağı balalarğa da saludı bastadı.
Pandemiya bastalğalı Qazaqstanda 1 mln 32 mıñnan asa adam COVID jwqtırğan, sonday-aq bwl 20,8 mıñ adamnıñ ölimine äser etken. Osılayşa el virus taraluı boyınşa älemde Djons Hopkins universiteti jäne DDSW tizimindegi 221 el men aymaqtıñ arasında 37-orınğa ornıqtı.
Ükimettiñ soñğı deregine qarağanda, Qazaqstanda 7,7 mln adam koronavirusqa qarsı vakcinanı tolıq alğan, al keminde birinşi dozası egilgen jwrttıñ sanı 8,4 mln-nan asadı. Densaulıq saqtau ministri Aleksey Coy 22 qaraşadan bastap vakcina alğanına jartı jıl ötkender üşin revakciyanaciya nauqanı jürgiziletinin mälimdegen.
Kiberşabuılğa wşırağan BAQ ökilderi qwqıq qorğau organdarına arız tüsirdi
Oyan, Qazaqstan qozğalısınıñ tağı bir belsendisin policiya bölimine şaqırdı
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Eks-ministr äyelin sabap öltirdi degen küdikpen wstaldı