Nwrswltan Nazarbaev Astana ekonomikalıq forumında eldegi sayasi jağday men alda kele jatqan prezident saylauına qatıstı mälimdeme jasadı.

«Sättilik prezident pen halıq bir bolğanda keledi. Al qabıldanğan bağdarlamalar men josparlar halıqtıñ qoldauımen ğana jüzege asadı. Bizde sayasat dwrıs jolğa qoyılğannan keyin be, solay boldı. Men bes jalpı halıqtıq saylauğa qatıstım. Mağan elektorat 85 payızdan kem dauıs bergen emes. Kelesi transformaciya bayıppen eşqanday sayasi tolqusız ötedi. Men bwnı jağdaydan şığudıñ dwrıs jolı dep esepteymin. Meniñ mandatım jalğasar edi. Sebebi ol äli ayaqtalmağan. Meniñ äli de bolsa jwmıs isteuime jäne öz kandidaturamdı meni saylaydı degen 100 payızdıq senimmen wsınuıma bolar edi. Biraq özgeris kerek, jaña wrpaq kelui kerek» - dep mälimdedi Nazarbaev.

Bwdan bölek ol öziniñ keybir spikerlerge qiındıq tuğızıp jatqandığın jäne elde kimniñ basşı ekendigin ayttı.

«Körip twrsızdar ğoy, men spikerlerge qiındıq tudırudamın. Sizderge birinşi «twñğış prezident» sosın «prezident» dep aytuğa tura keledi. Meniñ oyımşa, Qazaqstanda eki bastılıq bolmaydı. Bir ğana prezident bar jäne ol basşı. Onı saylağannan keyin, biz barlığımız soğan jwmıs isteytin bolamız» - dedi Qauipsizdik Keñesiniñ ömir boyğı törağası.

Esteriñizge salayıq, elorda da Hİİ Astana ekonomikalıq forumı ötude. Oğan 74 memlekettiñ sayasatker, biznesmen, ekonomisteri qatısuda.

"The Qazaq Times"