نۇرسۇلتان نازارباەۆ استانا ەكونوميكالىق فورۋمىندا ەلدەگى ساياسي جاعداي مەن الدا كەلە جاتقان پرەزيدەنت سايلاۋىنا قاتىستى مالىمدەمە جاسادى.

«ساتتىلىك پرەزيدەنت پەن حالىق ءبىر بولعاندا كەلەدى. ال قابىلدانعان باعدارلامالار مەن جوسپارلار حالىقتىڭ قولداۋىمەن عانا جۇزەگە اسادى. بىزدە ساياسات دۇرىس جولعا قويىلعاننان كەيىن بە، سولاي بولدى. مەن بەس جالپى حالىقتىق سايلاۋعا قاتىستىم. ماعان ەلەكتورات 85 پايىزدان كەم داۋىس بەرگەن ەمەس. كەلەسى ترانسفورماتسيا بايىپپەن ەشقانداي ساياسي تولقۋسىز وتەدى. مەن بۇنى جاعدايدان شىعۋدىڭ دۇرىس جولى دەپ ەسەپتەيمىن. مەنىڭ مانداتىم جالعاسار ەدى. سەبەبى ول ءالى اياقتالماعان. مەنىڭ ءالى دە بولسا جۇمىس ىستەۋىمە جانە ءوز كانديداتۋرامدى مەنى سايلايدى دەگەن 100 پايىزدىق سەنىممەن ۇسىنۋىما بولار ەدى. بىراق وزگەرىس كەرەك، جاڭا ۇرپاق كەلۋى كەرەك» - دەپ مالىمدەدى نازارباەۆ.

بۇدان بولەك ول ءوزىنىڭ كەيبىر سپيكەرلەرگە قيىندىق تۋعىزىپ جاتقاندىعىن جانە ەلدە كىمنىڭ باسشى ەكەندىگىن ايتتى.

«كورىپ تۇرسىزدار عوي، مەن سپيكەرلەرگە قيىندىق تۋدىرۋدامىن. سىزدەرگە ءبىرىنشى «تۇڭعىش پرەزيدەنت» سوسىن «پرەزيدەنت» دەپ ايتۋعا تۋرا كەلەدى. مەنىڭ ويىمشا، قازاقستاندا ەكى باستىلىق بولمايدى. ءبىر عانا پرەزيدەنت بار جانە ول باسشى. ونى سايلاعاننان كەيىن، ءبىز بارلىعىمىز سوعان جۇمىس ىستەيتىن بولامىز» - دەدى قاۋىپسىزدىك كەڭەسىنىڭ ءومىر بويعى توراعاسى.

ەستەرىڭىزگە سالايىق، ەلوردا دا ءحىى استانا ەكونوميكالىق فورۋمى وتۋدە. وعان 74 مەملەكەتتىڭ ساياساتكەر، بيزنەسمەن، ەكونوميستەرى قاتىسۋدا.

"The Qazaq Times"