Foto: Korrespondent.net

Naurız ayınıñ 19-ı küni Qazaqstannıñ twñğış prezidenti Nwrswltan Nazarbaev öziniñ otstavkağa ketetindigin mälimdedi. Osığan baylanıstı özge elderdiñ memleket basşılarınıñ atalmış şeşimge baylanıstı pikirlerin jariyalaudı jön kördik.

Nwrswltan Nazarbaev öziniñ otstavkağa ketui jöninde jariyalamas bwrın Resey prezidenti Vladimir Putinmen telefon arqılı söylesip, otstavka jöninde pikir almasqan. Resey prezidentiniñ baspasöz hatşısı Dmitriy Peskov atalmış tildesuge qatıstı BAQ ökilderine qanday da bir pikir beruden bas tartqan.

Özbekstan basşısı Şavkat Mirzieev Nazarbaevtıñ otstavkağa ketuge baylanıstı şeşimin ülken ökinişpen qabıldağan.

«Şavkat Mirzieev Nwrswltan Nazarbaevtıñ Qazaqstan Respublikasınıñ prezidenti ökilettigin toqtatu turalı şeşim qabıldauına oray zor qimastıq nietin bildirdi. Özbekstan prezidenti Şavkat Mirzieev Nwrswltan Nazarbaevtı «osınday mañızdı şeşim qabılday biletin wlı sayasatker äri prezident» dep atadı» - delingen Aqorda saytanda jariyalanğan materialda.

Qırğızstan prezidenti Sooronbay Jeenbekov Nazarbaevtıñ qızmetinen öz erkimen ketu jönindegi şeşimine baylanıstı «Nazarbaev - wlttıq qana emes, älemdik deñgeydegi twlğa. Onıñ Qırğızstan men Qazaqstan arasındağı odaqtastıqtı,  strategiyalıq äriptestikti, dostıq jäne körşilik qarım-qatınastı damıtuğa qosqan ülesi zor» - degen bağa bergen.

Belarus' prezidenti Aleksandr Lukaşenko Nwrswltan Nazarbaevtıñ otstavkağa ketuine baylanıstı pikirinde Nazarbaevpen aradağı wzaq jıldıq dostıq qarım-qatınasın joğarı bağalaytındığın jäne Nazarbaevtıñ bwl şeşimin ülken ökinişpen qabıldağanın aytqan.

Armeniya prem'er-ministri Nikol Poşinyan da Nazarbaevtıñ otstavkağa ketuin ökinişpen qabıldağan. Ol Nazarbaevtıñ eki el qarım-qatınasındağı röli joğarı ekendigin aytqan.

Ayta ketetin bir jayt, Nazarbaev joğarıda atalğan memleket basşılarınıñ barlığımen bolaşaqta "Qazaqstan Qauipsizdik Keñesi törağası retinde" baylanıs ornatuğa uağdalasqan. Keşeli beri Qazaqstan sarapşıları Nazarbaevtıñ ostavkağa ketuine «Nazarbaev qızmetinen ketkenimen sayasattan ketken joq» - degen bağa bergen.

"The Qazaq Times"