فوتو: كوررەسپوندەنت.net

ناۋرىز ايىنىڭ 19-ى كۇنى قازاقستاننىڭ تۇڭعىش پرەزيدەنتى نۇرسۇلتان نازارباەۆ ءوزىنىڭ وتستاۆكاعا كەتەتىندىگىن مالىمدەدى. وسىعان بايلانىستى وزگە ەلدەردىڭ مەملەكەت باسشىلارىنىڭ اتالمىش شەشىمگە بايلانىستى پىكىرلەرىن جاريالاۋدى ءجون كوردىك.

نۇرسۇلتان نازارباەۆ ءوزىنىڭ وتستاۆكاعا كەتۋى جونىندە جاريالاماس بۇرىن رەسەي پرەزيدەنتى ۆلاديمير پۋتينمەن تەلەفون ارقىلى سويلەسىپ، وتستاۆكا جونىندە پىكىر الماسقان. رەسەي پرەزيدەنتىنىڭ ءباسپاسوز حاتشىسى دميتري پەسكوۆ اتالمىش تىلدەسۋگە قاتىستى باق وكىلدەرىنە قانداي دا ءبىر پىكىر بەرۋدەن باس تارتقان.

وزبەكستان باسشىسى شاۆكات ميرزيەەۆ نازارباەۆتىڭ وتستاۆكاعا كەتۋگە بايلانىستى شەشىمىن ۇلكەن وكىنىشپەن قابىلداعان.

«شاۆكات ميرزيەەۆ نۇرسۇلتان نازارباەۆتىڭ قازاقستان رەسپۋبليكاسىنىڭ پرەزيدەنتى وكىلەتتىگىن توقتاتۋ تۋرالى شەشىم قابىلداۋىنا وراي زور قيماستىق نيەتىن ءبىلدىردى. وزبەكستان پرەزيدەنتى شاۆكات ميرزيەەۆ نۇرسۇلتان نازارباەۆتى «وسىنداي ماڭىزدى شەشىم قابىلداي بىلەتىن ۇلى ساياساتكەر ءارى پرەزيدەنت» دەپ اتادى» - دەلىنگەن اقوردا سايتاندا جاريالانعان ماتەريالدا.

قىرعىزستان پرەزيدەنتى سوورونباي جەەنبەكوۆ نازارباەۆتىڭ قىزمەتىنەن ءوز ەركىمەن كەتۋ جونىندەگى شەشىمىنە بايلانىستى «نازارباەۆ - ۇلتتىق قانا ەمەس، الەمدىك دەڭگەيدەگى تۇلعا. ونىڭ قىرعىزستان مەن قازاقستان اراسىنداعى وداقتاستىقتى،  ستراتەگيالىق ارىپتەستىكتى، دوستىق جانە كورشىلىك قارىم-قاتىناستى دامىتۋعا قوسقان ۇلەسى زور» - دەگەن باعا بەرگەن.

بەلارۋس پرەزيدەنتى الەكساندر لۋكاشەنكو نۇرسۇلتان نازارباەۆتىڭ وتستاۆكاعا كەتۋىنە بايلانىستى پىكىرىندە نازارباەۆپەن اراداعى ۇزاق جىلدىق دوستىق قارىم-قاتىناسىن جوعارى باعالايتىندىعىن جانە نازارباەۆتىڭ بۇل شەشىمىن ۇلكەن وكىنىشپەن قابىلداعانىن ايتقان.

ارمەنيا پرەمەر-ءمينيسترى نيكول پوشينيان دا نازارباەۆتىڭ وتستاۆكاعا كەتۋىن وكىنىشپەن قابىلداعان. ول نازارباەۆتىڭ ەكى ەل قارىم-قاتىناسىنداعى ءرولى جوعارى ەكەندىگىن ايتقان.

ايتا كەتەتىن ءبىر جايت، نازارباەۆ جوعارىدا اتالعان مەملەكەت باسشىلارىنىڭ بارلىعىمەن بولاشاقتا "قازاقستان قاۋىپسىزدىك كەڭەسى توراعاسى رەتىندە" بايلانىس ورناتۋعا ۋاعدالاسقان. كەشەلى بەرى قازاقستان ساراپشىلارى نازارباەۆتىڭ وستاۆكاعا كەتۋىنە «نازارباەۆ قىزمەتىنەن كەتكەنىمەن ساياساتتان كەتكەن جوق» - دەگەن باعا بەرگەن.

"The Qazaq Times"