Foto: InoSMI

Aleksandr Lukaşenko altınşı ret prezident saylauına qatısatının ayttı.

Naurız ayınıñ 1-i küni Belarus' prezidenti Aleksandr Lukaşenko jurnalister jäne qoğam belsendilerimen kezdesu ötkizde. Kezdesu barısında ol alda kele jatqan prezident saylauına qatıstı mälimdeme jasadı.

«Meniñ jäne memlekettiñ qazirgi jağdayına qarap, mağan degen (halıqtıñ –red) qarım-qatınasına qarap, prezidenttikke mindetti türde öz kandidaturamdı wsınamın» - dedi Lukaşenko.

Bwdan bölek kezdesu barısında Lukaşenko jaña Konstituciya qabıldau qajettigin aytqan. Ol «atqaruşı jäne zañ şığaruşı bilik tarmaqtarın küşeytu kerek» - dep esepteydi.

Aleksandr Lukaşenko Belarus'ti 1994 jıldan beri üzdiksiz basqarıp keledi. Qazirgi besinşi prezidenttik merzimi 2020 jılı ayaqtaladı. Bwğan deyingi 2001, 2006, 2010 jäne 2015 jıldardağı prezident saylaularınıñ barlığında 75 payızdan joğarı dauıs alğan. Halıq arasında Lukaşenkonıñ «Europanıñ soñğı diktatorı» degen atağı bar. Jalpı, TMD aumağında Keñester odağı qwlağalı beri bilik basınan ketpey kele jatqan eki adam bar. Onıñ biri Qazaqstan prezidenti Nwrswltan Nazarbaev bolsa, ekinşisi däl osı Aleksandr Lukaşenko.

"The Qazaq Times"