الەكساندر لۋكاشەنكو التىنشى رەت پرەزيدەنت سايلاۋىنا قاتىساتىنىن ايتتى.
ناۋرىز ايىنىڭ 1-ءى كۇنى بەلارۋس پرەزيدەنتى الەكساندر لۋكاشەنكو جۋرناليستەر جانە قوعام بەلسەندىلەرىمەن كەزدەسۋ وتكىزدە. كەزدەسۋ بارىسىندا ول الدا كەلە جاتقان پرەزيدەنت سايلاۋىنا قاتىستى مالىمدەمە جاسادى.
«مەنىڭ جانە مەملەكەتتىڭ قازىرگى جاعدايىنا قاراپ، ماعان دەگەن (حالىقتىڭ –رەد) قارىم-قاتىناسىنا قاراپ، پرەزيدەنتتىككە مىندەتتى تۇردە ءوز كانديداتۋرامدى ۇسىنامىن» - دەدى لۋكاشەنكو.
بۇدان بولەك كەزدەسۋ بارىسىندا لۋكاشەنكو جاڭا كونستيتۋتسيا قابىلداۋ قاجەتتىگىن ايتقان. ول «اتقارۋشى جانە زاڭ شىعارۋشى بيلىك تارماقتارىن كۇشەيتۋ كەرەك» - دەپ ەسەپتەيدى.
الەكساندر لۋكاشەنكو بەلارۋستى 1994 جىلدان بەرى ۇزدىكسىز باسقارىپ كەلەدى. قازىرگى بەسىنشى پرەزيدەنتتىك مەرزىمى 2020 جىلى اياقتالادى. بۇعان دەيىنگى 2001, 2006, 2010 جانە 2015 جىلدارداعى پرەزيدەنت سايلاۋلارىنىڭ بارلىعىندا 75 پايىزدان جوعارى داۋىس العان. حالىق اراسىندا لۋكاشەنكونىڭ «ەۋروپانىڭ سوڭعى ديكتاتورى» دەگەن اتاعى بار. جالپى، تمد اۋماعىندا كەڭەستەر وداعى قۇلاعالى بەرى بيلىك باسىنان كەتپەي كەلە جاتقان ەكى ادام بار. ونىڭ ءبىرى قازاقستان پرەزيدەنتى نۇرسۇلتان نازارباەۆ بولسا، ەكىنشىسى ءدال وسى الەكساندر لۋكاشەنكو.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى