Qazaqstan Respublikası Wlttıq muzeyi Qazaqstan halqı tarihındağı mañızdı oqiğalardı beynelegen keskindemelik jäne grafikalıq suret, müsin, installyaciya sındı zamanaui beyneleu öneri tuındılarınıñ eskizderin jasauğa bayqau jariyalaydı.

Bayqaudıñ maqsatı Wlı Dala elindegi mañızdı tarihi oqiğalar men körnekti twlğalardıñ körkem beynesin naqtı körsetu. Sol arqılı tarih qoynauındağı şejireden sır suırtpaqtau.  Jastardı otan süygiştikke tärbielep, qazaqstandıqtardıñ nazarın el tarihına audaru.

Bayqauğa qatısuğa arnayı orta bilimdi jäne joğarı bilimdi suretşiler şaqırıladı.  Eskizderde kelesi wsınılğan taqırıptar beynelenui tiis: «Wlı dalanıñ ejelgi qalaları», «Qazaqtardıñ düniejüzilik qwrıltayı», «Türik jazuı», «HH-ğasırdıñ basındağı wlt ziyalıları», «Astana – Täuelsiz Qazaqstannıñ nışanı».

Joğarıdağı atalımdar boyınşa 3 jeñimpazğa jülde tağayındalıp otır. Jülde qorı - 1 000000 (bir million) teñge.

Bayqau turalı tolıq aqparattı Wlttıq muzeydiñ www.nationalmuseum.kz. saytınan aluğa boladı.

«The Qazaq Times»