قازاقستان رەسپۋبليكاسى ۇلتتىق مۋزەيى قازاقستان حالقى تاريحىنداعى ماڭىزدى وقيعالاردى بەينەلەگەن كەسكىندەمەلىك جانە گرافيكالىق سۋرەت، ءمۇسىن، ينستاللياتسيا سىندى زاماناۋي بەينەلەۋ ونەرى تۋىندىلارىنىڭ ەسكيزدەرىن جاساۋعا بايقاۋ جاريالايدى.

بايقاۋدىڭ ماقساتى ۇلى دالا ەلىندەگى ماڭىزدى تاريحي وقيعالار مەن كورنەكتى تۇلعالاردىڭ كوركەم بەينەسىن ناقتى كورسەتۋ. سول ارقىلى تاريح قويناۋىنداعى شەجىرەدەن سىر سۋىرتپاقتاۋ.  جاستاردى وتان سۇيگىشتىككە تاربيەلەپ، قازاقستاندىقتاردىڭ نازارىن ەل تاريحىنا اۋدارۋ.

بايقاۋعا قاتىسۋعا ارنايى ورتا ءبىلىمدى جانە جوعارى ءبىلىمدى سۋرەتشىلەر شاقىرىلادى.  ەسكيزدەردە كەلەسى ۇسىنىلعان تاقىرىپتار بەينەلەنۋى ءتيىس: «ۇلى دالانىڭ ەجەلگى قالالارى»، «قازاقتاردىڭ دۇنيەجۇزىلىك قۇرىلتايى»، «تۇرىك جازۋى»، «حح-عاسىردىڭ باسىنداعى ۇلت زيالىلارى»، «استانا – تاۋەلسىز قازاقستاننىڭ نىشانى».

جوعارىداعى اتالىمدار بويىنشا 3 جەڭىمپازعا جۇلدە تاعايىندالىپ وتىر. جۇلدە قورى - 1 000000 ء(بىر ميلليون) تەڭگە.

بايقاۋ تۋرالى تولىق اقپاراتتى ۇلتتىق مۋزەيدىڭ www.nationalmuseum.kz. سايتىنان الۋعا بولادى.

«The Qazaq Times»