Foto: Pavlodartoday.com

QR İşki ister ministrligi AQŞ azamatınıñ «Pavlodar oblısı İİD basşısı Amantay Äubäkirovti qaraqşılıq jasadı» dep ayıptauına qatıstı pikir bildirdi - dep habarlaydı Tengrinews.kz.

Qırküyek ayınıñ 23-i küni You Tube jelisine «General MVD RK ograbil amerikanca» atauımen video rolik jariyalandı. Onda özin Aleksandr Li dep tanıstarğan azamat Pavlodar oblısınıñ İİD basşısı Amantay Äubäkirovtıñ qaraşqılıq jolmen biznesin tartıp alğandığın aytadı.

"Men - AQŞ azamatı Aleksandr Li. 2014 jılı Qazaqstanğa biznes aşu üşin keldim, investiciya salıp, jergilikti twrğındarğa jwmıs orındarın aşqım keldi. Almatıda twñğış ispan meyramhanasın aşıp, alkogol' importımen aynalısatın kompaniya aştım. 2017 jılı Pavlodar oblısınıñ İİD basşısı, QR İşki ister ministriniñ bwrınğı orınbasarı Amantay Äubäkirov reyderlik basıp alu jolımen biznesimdi tartıp aldı. Onıñ qızı men küyeu balası kompaniyamnıñ materialdıq qwndı zattarın iemdendi, al äyeli alkogol' importımen aynalısatın kompaniyamdı öz baqılauına aldı. Olardıñ zañsız äreketinen kelgen şığın 69 million teñgeden asadı", - dep mälimdeydi videoda Aleksandr Li.

;feature=youtu.be

23 qırküyek küni İİM resmi ökili Almas Sädubaev atalmış oqiğağa baylanıstı BAQ ökilderine pikir bildirdi.

"İİM Özindik qauipsizdik departamenti AQŞ azamatı A.V.Lidiñ Pavlodar oblıstıq İİD basşısı A.A.Äubäkirovtiñ zañsız äreketi turalı arızı boyınşa tekseris jürgizip, onıñ barısında Äubäkirov pen onıñ otbasınıñ Almatıda biznesti reyderlik jolmen tartıp aldı degen ayıptaular rastalmadı. 2012 jılı üş azamat, onıñ işinde Li men A.A.Äubäkirovtiñ äyeli S.S.Äubäkirova birigip JŞS qwrğan. Biraz uaqıt ötkennen keyin Li qwrıltayşılarğa eskertpey JŞS ülesiniñ 50 payızın kelisimşart negizinde üşinşi twlğağa sıy retinde qwjatqa qol qoyğan. Osıdan keyin qwrıltayşılar arasında dau tuğan, dau äli künge deyin şeşimin tappay keledi.  2017 jıldıñ 1 jeltoqsanında qwrıltayşılar Lige JŞS ğimaratınıñ jalğa alu merzimi ayaqtalğanın eskertip, onımen äri qaray äriptestikti toqtatu turalı aytqan. Öz kezeginde Li policiyağa arızdanıp, olardı JŞS mülkin reyderlik jolmen tartıp aldı dep ayıptağan, osı istiñ sotaldı tergeui qazirgi uaqıtta azamattıq şağımdar boyınşa sot şeşimin şığaru üşin toqtatılğan. Sonımen qatar, S.Äubäkirova Lidi öz moynına alğan mindettemelerdi orındamauğa baylanıstı alayaqtıq äreket jasadı dep prokuraturağa şağımdandı, sotaldı tergeudiñ merzimi de azamattıq daudıñ şeşimin şığaru üşin toqtatılğan. Eki qılmıstıq is te baqılauda, Lidiñ tarapınan tüsken şağımdı da prokuratura tekserdi, tergeu organdarınıñ tarapınan qılmıstıq-procestik zañnamanı bwzu deregi anıqtalmadı", - delingen İİM resmi ökiliniñ jauabında.

Pavlodar oblısı İİD basşısı Amantay Äubäkirov. Foto: Tengrinews.kz

Amantay Äubäkirov 1963 jılı 27 aqpanda Almatıda tuğan. Qazaqstan İİM eñbek siñirgen qızmetkeri. KSRO İİM Qarağandı joğarı mektebin tämamdağan. Mamandığı: zañger. Policiya general-mayorı.

 

 

 

"The Qazaq Times"