قر ىشكى ىستەر مينيسترلىگى اقش ازاماتىنىڭ «پاۆلودار وبلىسى ءىىد باسشىسى امانتاي اۋباكىروۆتى قاراقشىلىق جاسادى» دەپ ايىپتاۋىنا قاتىستى پىكىر ءبىلدىردى - دەپ حابارلايدى Tengrinews.kz.

قىركۇيەك ايىنىڭ 23-ءى كۇنى You Tube جەلىسىنە «گەنەرال مۆد رك وگرابيل امەريكانتسا» اتاۋىمەن ۆيدەو روليك جاريالاندى. وندا ءوزىن الەكساندر لي دەپ تانىستارعان ازامات پاۆلودار وبلىسىنىڭ ءىىد باسشىسى امانتاي اۋباكىروۆتىڭ قاراشقىلىق جولمەن بيزنەسىن تارتىپ العاندىعىن ايتادى.

"مەن - اقش ازاماتى الەكساندر لي. 2014 جىلى قازاقستانعا بيزنەس اشۋ ءۇشىن كەلدىم، ينۆەستيتسيا سالىپ، جەرگىلىكتى تۇرعىندارعا جۇمىس ورىندارىن اشقىم كەلدى. الماتىدا تۇڭعىش يسپان مەيرامحاناسىن اشىپ، الكوگول يمپورتىمەن اينالىساتىن كومپانيا اشتىم. 2017 جىلى پاۆلودار وبلىسىنىڭ ءىىد باسشىسى، قر ىشكى ىستەر ءمينيسترىنىڭ بۇرىنعى ورىنباسارى امانتاي اۋباكىروۆ رەيدەرلىك باسىپ الۋ جولىمەن بيزنەسىمدى تارتىپ الدى. ونىڭ قىزى مەن كۇيەۋ بالاسى كومپانيامنىڭ ماتەريالدىق قۇندى زاتتارىن يەمدەندى، ال ايەلى الكوگول يمپورتىمەن اينالىساتىن كومپانيامدى ءوز باقىلاۋىنا الدى. ولاردىڭ زاڭسىز ارەكەتىنەن كەلگەن شىعىن 69 ميلليون تەڭگەدەن اسادى", - دەپ مالىمدەيدى ۆيدەودا الەكساندر لي.

;feature=youtu.be

23 قىركۇيەك كۇنى ءىىم رەسمي وكىلى الماس سادۋباەۆ اتالمىش وقيعاعا بايلانىستى باق وكىلدەرىنە پىكىر ءبىلدىردى.

ء"ىىم وزىندىك قاۋىپسىزدىك دەپارتامەنتى اقش ازاماتى ا.ۆ.ءليدىڭ پاۆلودار وبلىستىق ءىىد باسشىسى ا.ا.اۋباكىروۆتىڭ زاڭسىز ارەكەتى تۋرالى ارىزى بويىنشا تەكسەرىس جۇرگىزىپ، ونىڭ بارىسىندا اۋباكىروۆ پەن ونىڭ وتباسىنىڭ الماتىدا بيزنەستى رەيدەرلىك جولمەن تارتىپ الدى دەگەن ايىپتاۋلار راستالمادى. 2012 جىلى ءۇش ازامات، ونىڭ ىشىندە لي مەن ا.ا.اۋباكىروۆتىڭ ايەلى س.س.اۋباكىروۆا بىرىگىپ جشس قۇرعان. ءبىراز ۋاقىت وتكەننەن كەيىن لي قۇرىلتايشىلارعا ەسكەرتپەي جشس ۇلەسىنىڭ 50 پايىزىن كەلىسىمشارت نەگىزىندە ءۇشىنشى تۇلعاعا سىي رەتىندە قۇجاتقا قول قويعان. وسىدان كەيىن قۇرىلتايشىلار اراسىندا داۋ تۋعان، داۋ ءالى كۇنگە دەيىن شەشىمىن تاپپاي كەلەدى.  2017 جىلدىڭ 1 جەلتوقسانىندا قۇرىلتايشىلار ليگە جشس عيماراتىنىڭ جالعا الۋ مەرزىمى اياقتالعانىن ەسكەرتىپ، ونىمەن ءارى قاراي ارىپتەستىكتى توقتاتۋ تۋرالى ايتقان. ءوز كەزەگىندە لي پوليتسياعا ارىزدانىپ، ولاردى جشس مۇلكىن رەيدەرلىك جولمەن تارتىپ الدى دەپ ايىپتاعان، وسى ءىستىڭ سوتالدى تەرگەۋى قازىرگى ۋاقىتتا ازاماتتىق شاعىمدار بويىنشا سوت شەشىمىن شىعارۋ ءۇشىن توقتاتىلعان. سونىمەن قاتار، س.اۋباكىروۆا ءليدى ءوز موينىنا العان مىندەتتەمەلەردى ورىنداماۋعا بايلانىستى الاياقتىق ارەكەت جاسادى دەپ پروكۋراتۋراعا شاعىمداندى، سوتالدى تەرگەۋدىڭ مەرزىمى دە ازاماتتىق داۋدىڭ شەشىمىن شىعارۋ ءۇشىن توقتاتىلعان. ەكى قىلمىستىق ءىس تە باقىلاۋدا، ءليدىڭ تاراپىنان تۇسكەن شاعىمدى دا پروكۋراتۋرا تەكسەردى، تەرگەۋ ورگاندارىنىڭ تاراپىنان قىلمىستىق-پروتسەستىك زاڭنامانى بۇزۋ دەرەگى انىقتالمادى", - دەلىنگەن ءىىم رەسمي وكىلىنىڭ جاۋابىندا.

پاۆلودار وبلىسى ءىىد باسشىسى امانتاي اۋباكىروۆ. فوتو: تengrinews.kz

امانتاي اۋباكىروۆ 1963 جىلى 27 اقپاندا الماتىدا تۋعان. قازاقستان ءىىم ەڭبەك سىڭىرگەن قىزمەتكەرى. كسرو ءىىم قاراعاندى جوعارى مەكتەبىن تامامداعان. ماماندىعى: زاڭگەر. پوليتسيا گەنەرال-مايورى.

 

 

 

"The Qazaq Times"