Foto: russian7.ru

Resey Qorğanıs ministrligi ekinşi düniejüzilik soğıs kezindegi Germaniya ükimetiniñ «Barbarossa» josparınıñ kartasın jariyaladı.

Mausım ayınıñ 22-i küni Resey Qorğanıs ministrligi öz mwrağatındağı ekinşi düniejüzilik soğısqa qatıstı birqatar qwjattardı jariyaladı. Olardıñ işinde sol kezdegi Adol'f Gitlerdiñ basqaruındağı Germaniya ükimetiniñ «Barbarossa» josparınıñ kartası bar.

"Barbarossa" josparınıñ kartası.

Esteriñizge salayıq, 1941 jılı 22 mausımda Germaniya Keñester odağına qarsı soğıs aşqan. Biraq ekinşi düniejüzilik soğıs bwdan säl erterekte 1939 jıldıñ 1 qırküyeginde bastalğan. Däl osı jılı Germaniya Pol'şağa basıp kirgen.

Ayta ketetin bir jayt, qazirgi tañda Qazaqstanda ekinşi düniejüzilik soğısqa qatıstı qoğam pikiri ekige bölingen. Olardıñ biri 1941-1945 jıldarı Keñester odağı men Germaniya arasında bolğan soğıstı "Wlı Otan soğısı" - dep ataudı qoldasa, endi biri "bwl soğıstıñ Qazaqstanğa qatısı joq. Bwl el esinde tek ekinşi düniejüzilik soğıs retinde qaluı tiis" - dep esepteydi.

“The Qazaq Times”