رەسەي قورعانىس مينيسترلىگى «بارباروسسا» جوسپارىنىڭ كارتاسىن جاريالادى

رەسەي قورعانىس مينيسترلىگى ەكىنشى دۇنيەجۇزىلىك سوعىس كەزىندەگى گەرمانيا ۇكىمەتىنىڭ «بارباروسسا» جوسپارىنىڭ كارتاسىن جاريالادى.

ماۋسىم ايىنىڭ 22-ءى كۇنى رەسەي قورعانىس مينيسترلىگى ءوز مۇراعاتىنداعى ەكىنشى دۇنيەجۇزىلىك سوعىسقا قاتىستى بىرقاتار قۇجاتتاردى جاريالادى. ولاردىڭ ىشىندە سول كەزدەگى ادولف گيتلەردىڭ باسقارۋىنداعى گەرمانيا ۇكىمەتىنىڭ «بارباروسسا» جوسپارىنىڭ كارتاسى بار.

"بارباروسسا" جوسپارىنىڭ كارتاسى.

ەستەرىڭىزگە سالايىق، 1941 جىلى 22 ماۋسىمدا گەرمانيا كەڭەستەر وداعىنا قارسى سوعىس اشقان. بىراق ەكىنشى دۇنيەجۇزىلىك سوعىس بۇدان ءسال ەرتەرەكتە 1939 جىلدىڭ 1 قىركۇيەگىندە باستالعان. ءدال وسى جىلى گەرمانيا پولشاعا باسىپ كىرگەن.

ايتا كەتەتىن ءبىر جايت، قازىرگى تاڭدا قازاقستاندا ەكىنشى دۇنيەجۇزىلىك سوعىسقا قاتىستى قوعام پىكىرى ەكىگە بولىنگەن. ولاردىڭ ءبىرى 1941-1945 جىلدارى كەڭەستەر وداعى مەن گەرمانيا اراسىندا بولعان سوعىستى "ۇلى وتان سوعىسى" - دەپ اتاۋدى قولداسا، ەندى ءبىرى "بۇل سوعىستىڭ قازاقستانعا قاتىسى جوق. بۇل ەل ەسىندە تەك ەكىنشى دۇنيەجۇزىلىك سوعىس رەتىندە قالۋى ءتيىس" - دەپ ەسەپتەيدى.

“The Qazaq Times”