AQŞ senatı jaña jobanı bekitti. Foto: Senate.

Tramp ükimeti köpten beri wsınıp kelgen salıq reformasın Senat aqırı maqwldadı. Bwl Qwrama Ştattıñ soñğı 30 jıldağı eñ iri salıq reforması bolıp sanaladı. Osığan deyin ökilder palatası jaña jobanı maqwldamay kelgen. Bwl turalı «The New York Times» basılımınıñ resmi saytı habarladı.

Dauıs berip maqwldau kezinde 51 ökil maqwldap, 48 ökil jobağa qarsı dauıs berip, üş dauıstıñ basımdığımen salıqtı qısqartu zañı qabıldandı. Dauıs beru kezinde Senat ğimaratınıñ aldında narazılıq şerui de boldı. Bwl AQŞ-tıñ ökilder üyinde eñ köp dau tudırıp, köp ret talqılanğan taqırıp edi. Parlamenttiñ bekituinen keyin atalğan ereje atqarılatın bolsa, bwl – prezident Tramptıñ zañ şığarudağı eñ ülken tabısı men jeñisi deuge boladı.

Zañ jobasında korporativtik salıqtı tabıstıñ 35 payızınan 20 payızına deyin tömendetu kerektigi aytılğan. Oğan qosa amerikalıq kompaniyalardıñ şeteldegi tabısın tolığımen salıqtan bosatu turalı qarastıradı. Şetelden tabıs tabatın amerikalıq kompaniyalardıñ bäri derlik 2026 jılğa deyin salıq töleude jeñildikterden  igiliktene aladı.

AQŞ Senatındağı Demokrattar partiyasınıñ ökilderi bwl jobağa barınşa qarsılıq tanıtqan. Senattağı demokrattardıñ lideri Şak Şumer sözinde: «Mwnday jiirkenişti zañ jobası üşin kelesi jolğı saylauda Respublikaşıldar jauap beretin boladı. Olar bwl jaramsız zañ jobasınan özderi-aq bas tartatın boladı. Tipti sol üşin dauıs beruden wyalatın boladı», – degen.

Jobağa qarsı şıqqandardıñ köbi jaña joba qabıldansa osığan deyin salıq töleu üşin qarastırılğan Obamacare programmasındağı mindetti saqtandırudan ayırılıp qaladı dep qaraydı. Kongrestiñ Byudjet boyınşa basqarmaları jürgizgen zertteu boyınşa, jaña joba saqtandıru aqılarınıñ joğarlauına alıp keledi, 2027 jılğa barğanda 13 mln adam saqtandırudan qağıs qaladı.

“The Qazaq Times”