AQŞ pen Qıtay basşıları. Foto: https://cdn.com

AQŞ Senatı Qıtayğa qatıstı qatañ sayasat wstanu zañ jobasın wsındı.

Osı aptada N'yu-Djersidegi demokratiyalıq senator Robert Menendes Uaşington Beyjiñniñ sayasatın ob'ektivti bağalap, öz strategiyasın soğan säykes qwruı kerek dedi. Eki el arasındağı strategiyalıq bäsekelestik turalı aktti eki partiyanıñ ökilderi birlese jasağan.

Qwjatta Memlekettik departament basşısına jıl sayın «Ziyatkerlik menşikke ziyan keltirip», sol arqılı Amerikanıñ twtastığına qauip töndirgen Qıtay memlekettik käsiporındarınıñ tizimi jariyalanadı. Sonımen qatar, atalğan qwjatta Amerika men Tayuan baylanısın nığaytu da jazılğan.

AQŞ-tıñ Qıtayğa wstanğan sayasatınıñ özgeruine Şıñjañdağı «genocid» negizgi sebep. AQŞ Senantı wsınğan qwjatta osı mäselege basa nazar audarıladı. Amerika 2020 jıldıñ mausımında Şıñjañdağı azşılıq wlttarğa qısım körsetip otırğan Qıtayğa sankciyalar engizdi. Oğan jauap retinde QHR birqatar amerikalıq şeneunikterdi qara tizimge qostı.

Bwğan deyin Şıñjañdağı jağdayğa baylanıstı Euroodaq Qıtayğa sankciya engizdi. 2018 jıldıñ tamızında BWW Adam qwqıqtarı jönindegi Joğarğı Komissar basqarmasınıñ ökilderi Şıñjañdağı tüzetu lagerlerinde 1 mln-ğa juıq mwsılmanjardıñ zañsız wstalğanın jäne adam qwqıqtarınıñ taptalğanın mälimdedi. Basqarma bwl jağdayğa alañdauşılıq bildirip, osı aymaqqa baqılauşılar jiberudi wsındı.

BWW men halıqaralıq zertteuşiler Qıtay Şıñjañ ölkesinde millionnan asa wyğır, qazaq, qırğız jäne basqa da mwsılmandardı lager'ge qamadı dep mälimdegen. Qwqıq qorğauşılar jüzdegen mıñ adamnıñ dini räsim jasağanı üşin nemese şeteldegi tanıstarımen baylanıs ornatqanı üşin negizsiz türmege qamalğanın aytqan. Beyjiñ bwl äreketin «terrorizmmen küres»,  al lager'lerdi «käsip meñgeru ornı» dep atağan.

"The Qazaq Times"