Foto: You Tube

Resey AQŞ-tıñ eks-memlekettik hatşısı Hillari Klintonnıñ kömegimen Qazaqstan men Armeniya uranına qalay ie boldı? Bwl swraqqa jaqında Fox News telearnasına swhbat bergen «Klinton Keş» kitabınıñ avtorı Piter Şveycer jauap bergen.

Onıñ sözinşe, Hillari Klinton Qazaqstannıñ joğarı lauazımdı basşılarına özimen kezdesu üşin kanadalıq biznesmen Frenk Gyustrağa Qazaqstandağı uran ken orındarın beruleri kerektigin aytıp şart qoyğan. Bwl şarttı orındamağan jağdayda ol eşkimmen kezdespeytindigin aytqan. Piter Şveycerdiñ aytuınşa, Gyustara Hillari Klintonnıñ küyeui, sayasatker, AQŞ-tıñ bwrınğı prezidenti Bill Klintonnıñ jaqın dosı. Ol öziniñ sözine dälel retinde 2015 jılı The New York Times  basılımı taratqan mälimetti mısalğa keltiredi. Atalmış materialda Frenk Gyustaranıñ Klintondar otbasılıq qorına qayırımdılıq kömek retinde 100 million dollar qarjı audarğandığı jayında aytılğan.

Piter Şveycerdiñ sözine senetin bolsaq, Frenk Gyustara Qazaqstandağı uran ken orındarın alğannan keyin, onı «Uranium One» kompaniyasınıñ ieligine ötkizgen. Oñtüstik Afrika men Avstraliyada uran ken orındarı bar «Uranium One» kompaniyası 2009 jılı öziniñ 17 payız akciyasın reseylik uran alpauıtı «Rosatom» kompaniyasına satıp jibergen. Arada biraz uaqıt ötkenen keyin «Rosatom» Hillari Klintonnıñ qatısuımen AQŞ Memlekettik departamentiniñ qolauı arqılı «Uranium One» kompaniyasınıñ 51 payız akciyasın iemdengen. Al 2013 jılı tipti «Uranium One» kompaniyasınıñ 100 payız akciyasın satıp alıp, Amerika atom salasına tübegeyli kirgen. «Rosatom»  AQŞ uran salasına tübegeyli kirip qana qoymay, bir mezette Qazaqstan men Armeniyanıñ da uran ken orındarınıñ tolıqqandı qojayını bolıp şığa kelgen.

“The Qazaq Times”