Foto: Atameken Business Channel

Almatı qalası sotı Bank RBK-nı äkimşilik jauapqa tarttı. 

Qazaqstannıñ qor birjasında jariyalanğan qwjatqa säykes, qarjı institutı aqşanı jılıstatu zañnamasın bwzğanı üşin jauapqa tartılğan.

"Almatı qalasınıñ mamandandırılğan audanaralıq äkimşilik sotı osı jıldıñ 3 qaraşasında bankke qatıstı şeşim qabıldadı.  Bank RBK QR Äkimşilik qwqıq bwzuşılıq turalı kodeksiniñ 214-babınıñ 1 tarmağı boyınşa (qılmıstıq jolmen alınğan kiristerdi zañdastıruğa (jılıstatuğa) jäne terrorizmdi qarjılandıruğa qarsı is-qimıl turalı zañnamanı bwzu) jauapqa tartıldı", - delingen KASE habarlamasında.

Sonday-aq, kodekste osınday qwqıq bwzu jeke twlğalarğa – 100, lauazımdı adamdarğa, notariustar men advokattarğa, şağın käsipkerlik sub'ektilerine nemese kommerciyalıq emes wyımdarğa – 140, orta käsipkerlik sub'ektilerine – 220, iri käsipkerlik sub'ektilerine 400 aylıq eseptik körsetkiş mölşerinde ayıppwl saluğa äkep soğatını turalı aytılğan.

Ayta keteyik, 2017 jılğı 1 AEK 2269 teñgeni qwraydı.

“The Qazaq Times”