Photo: Atameken Business Channel

«Bank RBK»AQ Wlttıq Banktiñ bank sektorınıñ qarjılıq ornıqtılığın arttıru bağdarlamasına qatısadı. Bank akcionerleri 2017 jıldıñ 7 qaraşasında Almatıda ötken kezekten tıs jalpı jinalıs barısında bağdarlamağa qatısu üşin dauıs berdi, dep habarladı banktiñ baspasöz qızmeti.

Odan bölek, akcionerlerdiñ kezekten tıs jalpı jinalısınıñ şeşimimen direktorlar Keñesiniñ müşesi – Banktiñ täuelsiz direktorı bolıp Torsten Pol saylandı. Odan keyin Banktiñ direktorlar Keñesiniñ şeşimimen Torsen Pol «Bank RBK» AQ direktorlar Keñesiniñ Törağası bolıp tağayındaldı.

"Pol mırzanı tağayındau «Bank RBK» AQ, Qazaqstan Respublikasınıñ Ükimeti, Wlttıq bank pen «Qazaqmıs» kompaniyalar tobı arasında qol qoyılğan şekti kelisim şeginde jürgizildi", - delingen baspasöz habarlamasında.

Ayta keteyik, soñğı uaqıtta atalğan bankke qatıstı qarjı mäseleleri tuındağan bolatın. Sebebi Bank RBK qızmetin qoldanuşılar aqşa şeşip alu mümkin bolmağanı jäne keybir studentter stipendiyaların ala almağandarı turalı aytqan. Osıdan keyin Wlttıq bank atalğan bankten jağdaydı retteudi talap etken. Al Prezident Nwrswltan Nazarbaev bank jwmısı retteletinin jäne kinäliler jazalanatının aytqan.

Sonday-aq,  QR Wlttıq bank törağası Daniyar Aqışev "Qazaqmıs" korporaciyası Bank RBK-ğa investor boluı mümkin ekenin habarlağan edi.

“The Qazaq Times”