فوتو: Atameken Business Channel

الماتى قالاسى سوتى Bank RBK-نى اكىمشىلىك جاۋاپقا تارتتى. 

قازاقستاننىڭ قور بيرجاسىندا جاريالانعان قۇجاتقا سايكەس، قارجى ينستيتۋتى اقشانى جىلىستاتۋ زاڭناماسىن بۇزعانى ءۇشىن جاۋاپقا تارتىلعان.

"الماتى قالاسىنىڭ مامانداندىرىلعان اۋدانارالىق اكىمشىلىك سوتى وسى جىلدىڭ 3 قاراشاسىندا بانككە قاتىستى شەشىم قابىلدادى.  Bank RBK قر اكىمشىلىك قۇقىق بۇزۋشىلىق تۋرالى كودەكسىنىڭ 214-بابىنىڭ 1 تارماعى بويىنشا (قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى زاڭنامانى بۇزۋ) جاۋاپقا تارتىلدى", - دەلىنگەن KASE حابارلاماسىندا.

سونداي-اق، كودەكستە وسىنداي قۇقىق بۇزۋ جەكە تۇلعالارعا – 100, لاۋازىمدى ادامدارعا، نوتاريۋستار مەن ادۆوكاتتارعا، شاعىن كاسىپكەرلىك سۋبەكتىلەرىنە نەمەسە كوممەرتسيالىق ەمەس ۇيىمدارعا – 140, ورتا كاسىپكەرلىك سۋبەكتىلەرىنە – 220, ءىرى كاسىپكەرلىك سۋبەكتىلەرىنە 400 ايلىق ەسەپتىك كورسەتكىش مولشەرىندە ايىپپۇل سالۋعا اكەپ سوعاتىنى تۋرالى ايتىلعان.

ايتا كەتەيىك، 2017 جىلعى 1 اەك 2269 تەڭگەنى قۇرايدى.

“The Qazaq Times”