Arakandıq jas ana ürkin-qorqında bosandı. Foto: Loonwatch.com.

Qwrama Ştattıñ bas qalasında «Arakandıq mwsılmandar» attı konferenciya wyımdastırıldı. Onda Qwrama Ştat jwrtına M'yanmadağı mwsılmandardıñ jağdayı tanıstırılıp, genocid qırğınğa qarsı twruğa şaqırıldı. Bwl turalı «Anadolı» aqparattıq agenttiginiñ resmi saytı jazdı.

Konferenciya Georgiy Mason Universitetinde ötkizildi. Qoğamdıq wyımdar men birlestikterdiñ ökilderi bayandama jasadı. Aqparat agenttikteriniñ M'yanmada bolıp qaytqan tilşileri körgen bilgenin bayan etti. Amerikalıqtarğa M'yanmadağı zorlıq turalı mälimetterdi jetkizip, AQŞ qoğamında mwsılmandarğa bağıttalğan genocid qırğınğa qarsılıqtı qalıptastırudı maqsat etken konferenciya, eldiñ tağı birneşe qalalarında ötkizilmek.

BWW bergen mälimetke sener bolsaq, M'yanmadağı qarulı küşterden ığısıp, Bangladeşke bas sauğalağan mwsılman qauımnıñ sanı 620 mıñ adamnan asadı. Qazirdiñ özinde eñ tömengi äleumettik şart jağdayda millionğa juıq arakandıq mwsılmandar Bangladeşte jan saqtauda.

“The Qazaq Times”