اراكاندىق جاس انا ۇركىن-قورقىندا بوساندى. فوتو: Loonwatch.com.

قۇراما شتاتتىڭ باس قالاسىندا «اراكاندىق مۇسىلماندار» اتتى كونفەرەنتسيا ۇيىمداستىرىلدى. وندا قۇراما شتات جۇرتىنا ميانماداعى مۇسىلمانداردىڭ جاعدايى تانىستىرىلىپ، گەنوتسيد قىرعىنعا قارسى تۇرۋعا شاقىرىلدى. بۇل تۋرالى «انادولى» اقپاراتتىق اگەنتتىگىنىڭ رەسمي سايتى جازدى.

كونفەرەنتسيا گەورگي ماسون ۋنيۆەرسيتەتىندە وتكىزىلدى. قوعامدىق ۇيىمدار مەن بىرلەستىكتەردىڭ وكىلدەرى بايانداما جاسادى. اقپارات اگەنتتىكتەرىنىڭ ميانمادا بولىپ قايتقان تىلشىلەرى كورگەن بىلگەنىن بايان ەتتى. امەريكالىقتارعا ميانماداعى زورلىق تۋرالى مالىمەتتەردى جەتكىزىپ، اقش قوعامىندا مۇسىلماندارعا باعىتتالعان گەنوتسيد قىرعىنعا قارسىلىقتى قالىپتاستىرۋدى ماقسات ەتكەن كونفەرەنتسيا، ەلدىڭ تاعى بىرنەشە قالالارىندا وتكىزىلمەك.

بۇۇ بەرگەن مالىمەتكە سەنەر بولساق، ميانماداعى قارۋلى كۇشتەردەن ىعىسىپ، بانگلادەشكە باس ساۋعالاعان مۇسىلمان قاۋىمنىڭ سانى 620 مىڭ ادامنان اسادى. قازىردىڭ وزىندە ەڭ تومەنگى الەۋمەتتىك شارت جاعدايدا ميلليونعا جۋىق اراكاندىق مۇسىلماندار بانگلادەشتە جان ساقتاۋدا.

“The Qazaq Times”