Foto: Komsomol'skaya pravda

Resey prem'er-ministri Dmitriy Medvedev Qazaqstan men Qırğızstan arasındağı dauğa pikir bildirdi.

Bügin Özbekstan astanası Taşkent qalasında ötken TMD elderi ükimet basşılarınıñ kezekti bas qosuında Resey prem'er-ministri Dmitriy Medvedev qazaq-qırğız qarım-qatınasındağı dauğa pikir bildirdi. Ol onda: «Bügingi kezdesudiñ özinde Qazaqstan men Qırğızstan arasında öte auır jäne ötkir pikir almasu boldı. Pikir almasu barısında eki el arasındağı qarama-qayşılıqtar jii bayqaldı. TMD elderi ükimet basşılarınıñ keñesi, EAEO müşe elderdiñ prem'er-ministrleri keñesi osınday mäselelerdi şeşuge arnalğan minber» - dedi.

Esteriñizge salayıq, däl osı bas qosuda Qırğızstan prem'er-ministri Sapar Isakov qazaq-qırğız şekarasındağı jağdayğa baylanıstı Qazaqstan biligin qatañ sınğa alğan bolatın. Isakovtıñ sözinşe, Qazaqstan tarapı  osı uaqıtqa deyin şekara dauına baylanıstı türli sıltaular aytıp kelgen. Al öz kezeginde Qazaqstan prem'er-ministri Baqıtjan Sağıntaev qırğız ükimet basşısınıñ ayıptauları negizsiz dep, Qırğızstan atalmış mäsele boyınşa Qazaqstan tarapı qoyğan talaptardı orındasa, kelissöz jürgizuge dayın ekendigin aytqan.

“The Qazaq Times”