Foto: APF

Aldağı bineşe onjıldıqta Australiyadağı aua temperaturası 50 gradusqa deyin köteriledi. Bwl Parij kelisimine säykes, jahandıq jılınu procesi industrialdı kezeñge deyingi deñgeyden 2 gradusqa joğarı därejede twraqtap, barlıq şekteuler orındalsa da bolatın jağday. Mel'burn universitetiniñ ğalımdarınıñ Geophysical Research Letters jurnalına jariyalağan osı boljamdarı turalı VVS aqparattıq agenttigi jazdı. 

Zertteu jwmıstarı Viktoriya jäne Jaña Oñtüstik Uel's aymaqtarında jürgizilgen. Soğan qaramastan, ğalımdar zertteu nısanına ilinbegen özge öñirlerde de temperatura köteriletinin aytadı. Meteorologiya byurosınıñ wsınğan derekterine säykes, 2013 jılı Sidneyde 45,8 gradus, al 2009 jılı  Mel'burnda 46,4 gradus temperatura tirkelgen.

Zertteuşilerdiñ qorıtındısı boyınşa, Australiyadağı 50 gradustan joğarı temperatura 2040-2050 jıldar aralığında boladı. Eñ ıstıq jaz dep tirkelgen 2015 jıldıñ körsetkişi 2025 jılı ortaşa temperaturanı qwrauı mümkin.

“The Qazaq Times”