فوتو: APF

الداعى بىنەشە ونجىلدىقتا اۋسترالياداعى اۋا تەمپەراتۋراسى 50 گرادۋسقا دەيىن كوتەرىلەدى. بۇل پاريج كەلىسىمىنە سايكەس، جاھاندىق جىلىنۋ پروتسەسى يندۋستريالدى كەزەڭگە دەيىنگى دەڭگەيدەن 2 گرادۋسقا جوعارى دارەجەدە تۇراقتاپ، بارلىق شەكتەۋلەر ورىندالسا دا بولاتىن جاعداي. مەلبۋرن ۋنيۆەرسيتەتىنىڭ عالىمدارىنىڭ Geophysical Research Letters جۋرنالىنا جاريالاعان وسى بولجامدارى تۋرالى ۆۆس اقپاراتتىق اگەنتتىگى جازدى. 

زەرتتەۋ جۇمىستارى ۆيكتوريا جانە جاڭا وڭتۇستىك ۋەلس ايماقتارىندا جۇرگىزىلگەن. سوعان قاراماستان، عالىمدار زەرتتەۋ نىسانىنا ىلىنبەگەن وزگە وڭىرلەردە دە تەمپەراتۋرا كوتەرىلەتىنىن ايتادى. مەتەورولوگيا بيۋروسىنىڭ ۇسىنعان دەرەكتەرىنە سايكەس، 2013 جىلى سيدنەيدە 45,8 گرادۋس، ال 2009 جىلى  مەلبۋرندا 46,4 گرادۋس تەمپەراتۋرا تىركەلگەن.

زەرتتەۋشىلەردىڭ قورىتىندىسى بويىنشا، اۋسترالياداعى 50 گرادۋستان جوعارى تەمپەراتۋرا 2040-2050 جىلدار ارالىعىندا بولادى. ەڭ ىستىق جاز دەپ تىركەلگەن 2015 جىلدىڭ كورسەتكىشى 2025 جىلى ورتاشا تەمپەراتۋرانى قۇراۋى مۇمكىن.

“The Qazaq Times”