Foto: qazaqstan.tv

Apta basınan bastalğan aptap ıstıq äli de saqtaluda. Şildeniñ şiliñgiri jerdi quırıp baradı, buını qatqan şöptiñ bası quradı.

«Qazgidromet» RMK-sı şildeniñ 24-i küngi kün rayı boljamın jariyaladı.
Qazgidromettiñ derekterine qarağanda, 24 şilde küni elimizdiñ basım böliginde frontaldı bölikterdiñ äserinen Qazaqstannıñ batısında, soltüstik-batısında, soltüstiginde, şığısında, oñtüstik-şığıstıñ taulı audandarında jañbır jauadı, oñtüstik-batısında nayzağay onyap, jañbır jauadı, jel küşeyedi, eldiñ batısında, şığısında bwrşaq jauıp, oñtüstiginde şañdı dauıl twradı, soltüstiginde tünde jäne tañerteñ twman tüsedi. Qazaqstannıñ tek oñtüstiginde jäne ortalığında ğana kün jauın-şaşınsız boladı.


Türkistan, Qızılorda, Jambıl, Jetisu, Almatı oblıstarınıñ basım böliginde, Mañğıstau, Atırau oblıstarınıñ oñtüstiginde, Wlıtaudıñ oñtüstiginde, şığısında, Qostanay oblısınıñ ortalığında tötenşe ört qaupi saqtaladı.
Kündiz Qızılorda, Wlıtau oblıstarınıñ basım böliginde, Aqtöbe, Abay oblıstarınıñ oñtüstiginde qattı ıstıq boladı.

Almatı qalasınıñ aldağı aptadağı künrayı boljamı boyınşa ıstıq künder jalğasatının körsetedi.

Istıq aua rayında jürek-qantamırlar jüyesi zardap şegedi. Aua rayı qwrğaq äri ıstıq bolğan kezinde qan wyıp, trombtardıñ tüziluine alıp keledi. Al, qannıñ wyyuı — insul'ttiñ bastı sebebi.

Odan bölek, aptap ıstıq kezinde atmosferalıq qısım älsireydi. Bwl jağdayda gipertonikter de, qan qısımı tömen adamdar da japa şegedi. Sau adamdardıñ özderi de kün temperaturası artuımen birge, jürek soğısı artıp, tamırları keñeye bastaytındıqtan jürek aynu, közdiñ qarauıtuı, älsizdikti sezinui äbden mümkin.

Sonımen birge, adam köp terleytindikten termen birge denedegi swyıqtıqtı jäne mineraldardı joğaltadı. Sondıqtan adam älsirep, Wyqı basıp, mazasızdana bastaydı.

Jürek auruı, qan qısımı men qantamırlarınıñ derti bar adamdarğa dalağa şıqpağan dwrıs. Kaliy men magniyge bay jemis-jidekterdi kündelikti racionğa qosqan artıq etpeydi. Bas kiim kiip, qosımşa arnayı däri därmek alıp jürgen jön.
Swyıqtıqtı köbirek twtınu, azdağan qanttı şırın, şay, kompot. Odan bölek, gazdalğan mineraldı susındar joğalğan elektrolitterdi qalpına keltiredi. Al, alkogol'di önimderden aulaq bolğan jön.
Mamandar jeñil äri keñ kiim kigen dwrıs deydi. Sintetika materialınan müldem bas tartqan jön.

Nürbätima Baytwrsın

Almatı oblısı