Australiyanıñ jaña prem'eri Albaniz Jakartada Qıtaydı ayıptap mälimdeme jasadı. Foto: VOA

Qıtay men Australiya arasında diplomatiyalıq şielenis tağı da tereñdey tüsti. Bwl jolı dau qıtaylıq joyğış wşaqtardıñ Oñtüstik Qıtay teñizinde Australiyanıñ barlau wşağın wstauınan şıqtı. Taraptardıñ biri ayıptap, biri joqqa şığarğan oqiğa ötken aydıñ soñında bolan.

Australiyanıñ jaña prem'er-ministri Entoni Albaniz qıtaylıq wşaqtardıñ äreketin agressiya dep ayıptadı. Ol  Jakartadağı saparı kezinde jasağan mälimdemesinde barlau wşağı halıqaralıq qwqıqtarğa say Oñtüstik Qıtay teñizinde barlau jürgizgenin, qıtaylıq joyğış wşaqtar onı zañsız äri australiyalıq ekipajdıñ ömirine qauip töndire otırıp wstağanın ayttı.

Resmi Beyjiñ Albanizdiñ mälimdemesine qaytarğan jauabında tağılğan ayıptı joqqa şığardı jäne «Australiya aq pen qaranı özgerttip, qayta-qayta jalğan aqparattar taratıp, teke-tires jağday ornatuğa tırıstı» dep mälimdedi.

Qıtay Qorğanıs ministrligi atalmış oqiğa turalı 26 mamırda mälimdeme jasağan eken. Onda avstraliyalıq R-8A süñguir qayıqtarğa qarsı patrul'dik wşağı Qıtaydıñ Sişau qalasına jaqın äue keñistiginde barlau jürgizip, eskertulerge qaramastan Sişau qalasınıñ keñistigine jaqındağan. Qıtay HAA äue küşterine tiesili wşaqtar oğan eskertu jasadı jäne jaqın äue keñistiten şığaruğa äreket etti delingen.

Australiya biligi bolsa bwnı Qıtay äue küşteri J-16 wşağımen şabuıl qaupin tuğızdı, australiyalıq wşaq pen ekipajğa qauip töndirdi dep ayıptaydı. Eldiñ Qorğanıs ministrligi jasağan mälimdemede barlau wşağınıñ qozğaltqışın büldiru maqsatında alyuminiy kesekterin şaştı degen.

Australiya men Qıtaydıñ barlauşı jäne joyğış wşaqtarınıñ kezdesip qaluı eki el ortasındağı diplomatiyalıq qayşılıqtıñ birden bir sebebi emes. Eki el Ündi jäne Tınıq mwhit aymağındağı äskeri-sayasi ıqpaldarın keñeytu boyınşa jäne sauda qarım-qatınastarında birqatar kelispeuşilikterge ie.

The Qazaq Times