Foto: politring.com

Venesuela Prezidenti Nikolas Maduro Kataloniyadağı referendumğa jinalğan halıqqa küş qoldanudı "repressiya", al Ispaniya biligin "diktatura" dep atadı. Bwl turalı APF aqparattıq agenttigi jazdı. 

Nikolas Maduro VTV telearnasına bergen swhbatında: "Men Kataloniya, Ispaniya ne özge qanday memleket bolmasın, onıñ işki isterine aralaspaymın. Biraq küni keşe bolğan oqiğa beybit halıqqa qarsı küş qoldanudıñ jan türşigerlik körinisterin qwptamaymın", -dep mälimdedi.

Nikolas Maduronı älemniñ birneşe köşbasşıları men el Oppoziciyası Venesuelada säuir ayınan beri jalğasqan halıq pen biliktiñ qaqtığısı kezindegi policiyanı jaqtağan äreketi üşin ayıptap, "diktator" degen atau bergen edi. 125 adam qaza tapqan Venesueladağı köterilis kezinde halıqqa qarsı küş qoldanğan qauipsizdik qızmetkerlerin qoldağan Maduro bwl äreketin: "Bizdiñ eldegi köteriliske şıqqan halıq qarulanğan boldı. Al katalondıqtar beybit türde referendum ötkizdi. Ekeuiniñ ayırmaşılığı ülken", - dep tüsindirdi.

Ispaniya men Venesuelanıñ qarım-qatınası jaqsı deuge kelmeydi. Öytkeni Ispaniya Nikolas Maduronıñ Wlttıq Assambleya qwru turalı ideyasına qarsı köterilgen halıqtıñ pikirin eskermegeni üşin,  Venesuelağa qarsı sankciyalar engizudi wsınğan bolatın.

“The Qazaq Times”