Foto: Atameken Business Channel

Qazaqstannıñ soltüstik-şığısınan oñtüstikke qosalqı stanciyalar men elektr energiyasın tasımaldaytın jelilerdi salu  «KEGOC» AQ kupondıq obligaciyaların ornalastıru jäne Birıñğay jinaqtauşı zeynetaqı qorınan qarajat tartu esebinen jüzege asadı. Bwl turalı Ortalıq kommunikaciyalar qızmetinde ötken baspasöz konferenciyasında KEGOC kompaniyasınıñ basşısı Baqıtjan Qajiev mälimdedi, dep habarladı Kapital.kz.

"Oñtüstikte energetika tapşı bolğandıqtan, bwl aymaqtarğa soltüstik-şığıstan elektr energiyasın tasımaldau - bizdiñ memleket üşin mañızdı joba. Soltüstikte negizgi generatorlar şoğırlanğan. Alayda şığıstan energetika tasımaldau Şığıs Qazaqstannıñ energetikalıq täuelsizdigin qamtamasız etu siyaqtı birqatar mindetterdi şeşedi. Öytkeni bwdan bwrın Şığıs Qazaqstan 220 kilovol'ttıq älsiz sımdarğa qosılğan.... Sondıqtan  bwl jelilerdi tartu köpfaktorlı mäselelerdi şeşedi", - dedi ol.

KEGOC basşısınıñ sözinşe, elektr jelileriniñ qwrılısı eki kezeñge bölingen. Birinşi kezeñ boyınşa Ekibastwz elektr stanciyalarınan Semeyge jäne Öskemenge deyin jeli tartılğan. Bwl joba qwnı 53 mlrd teñgeni qwrağan jäne jeke qarajat arqılı qarjılandırılğan. Stanciya bir jıldan keyin merziminen bwrın jüzege asırılıp, 2016 jıldıñ jeltoqsanında jalpı wlttıq köpir bağdarlamasına engizilgen. Joba barısında 742 jwmıs ornı aşılğan.

Ayta keteyik, bwdan bwrın Ükimet otırısı kezinde 2016 jılı joğarıda atalğan jobanıñ ekinşi kezeñi ayasında  KEGOC kompaniyasınıñ kupondıq obligaciyaları tolıq ornalastarılğanı jäne zeynetaqı qorınan 47 mlrd 500 mln teñge tartılğanı turalı aytılğan.

“The Qazaq Times”