فوتو: Atameken Business Channel

قازاقستاننىڭ سولتۇستىك-شىعىسىنان وڭتۇستىككە قوسالقى ستانتسيالار مەن ەلەكتر ەنەرگياسىن تاسىمالدايتىن جەلىلەردى سالۋ  «KEGOC» اق كۋپوندىق وبليگاتسيالارىن ورنالاستىرۋ جانە بىرىڭعاي جيناقتاۋشى زەينەتاقى قورىنان قاراجات تارتۋ ەسەبىنەن جۇزەگە اسادى. بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا KEGOC كومپانياسىنىڭ باسشىسى باقىتجان قاجيەۆ مالىمدەدى، دەپ حابارلادى Kapital.kz.

"وڭتۇستىكتە ەنەرگەتيكا تاپشى بولعاندىقتان، بۇل ايماقتارعا سولتۇستىك-شىعىستان ەلەكتر ەنەرگياسىن تاسىمالداۋ - ءبىزدىڭ مەملەكەت ءۇشىن ماڭىزدى جوبا. سولتۇستىكتە نەگىزگى گەنەراتورلار شوعىرلانعان. الايدا شىعىستان ەنەرگەتيكا تاسىمالداۋ شىعىس قازاقستاننىڭ ەنەرگەتيكالىق تاۋەلسىزدىگىن قامتاماسىز ەتۋ سياقتى بىرقاتار مىندەتتەردى شەشەدى. ويتكەنى بۇدان بۇرىن شىعىس قازاقستان 220 كيلوۆولتتىق ءالسىز سىمدارعا قوسىلعان.... سوندىقتان  بۇل جەلىلەردى تارتۋ كوپفاكتورلى ماسەلەلەردى شەشەدى", - دەدى ول.

KEGOC باسشىسىنىڭ سوزىنشە، ەلەكتر جەلىلەرىنىڭ قۇرىلىسى ەكى كەزەڭگە بولىنگەن. ءبىرىنشى كەزەڭ بويىنشا ەكىباستۇز ەلەكتر ستانتسيالارىنان سەمەيگە جانە وسكەمەنگە دەيىن جەلى تارتىلعان. بۇل جوبا قۇنى 53 ملرد تەڭگەنى قۇراعان جانە جەكە قاراجات ارقىلى قارجىلاندىرىلعان. ستانتسيا ءبىر جىلدان كەيىن مەرزىمىنەن بۇرىن جۇزەگە اسىرىلىپ، 2016 جىلدىڭ جەلتوقسانىندا جالپى ۇلتتىق كوپىر باعدارلاماسىنا ەنگىزىلگەن. جوبا بارىسىندا 742 جۇمىس ورنى اشىلعان.

ايتا كەتەيىك، بۇدان بۇرىن ۇكىمەت وتىرىسى كەزىندە 2016 جىلى جوعارىدا اتالعان جوبانىڭ ەكىنشى كەزەڭى اياسىندا  KEGOC كومپانياسىنىڭ كۋپوندىق وبليگاتسيالارى تولىق ورنالاستارىلعانى جانە زەينەتاقى قورىنان 47 ملرد 500 ملن تەڭگە تارتىلعانى تۋرالى ايتىلعان.

“The Qazaq Times”