Foto: a-theism.com

M'yanmanıñ Birikken Wlttar Wyımındağı ökili rohindja mwsılmandarına eşqanday genocid jasalmağandığın ayttı.

M'yanmanıñ BWW-dağı twraqtı ökili Hau Do Suan Rakhayn ştatında bolğan jağdaylarğa baylanıstı Bas Assambleya minberinen söylegen sözinde: «Mağan tüsindiruge rwqsat beriñizder. Osı arada mağan deyin M'yanma  biligine eşqanday dälelsiz rohindja mwsılmandarına genocid jasadı degen ayıptaular aytılıp jatır. Men bwl ayıptaulardı aqiqattan alşaqtau dep esepteymin. M'yanmada bilik tarapınan Rakhayn şatatın etnikalıq toptardan tazartu nemese az wlttarğa genocid jasau bolğan joq» - degen.

Esteriñizge salayıq, tamızdıñ 25 küni rohindja bülikşileriniñ jergilikti policiya beketterine jasağan şabuldarınan keyin, M'yanmada rohindja mwsılmandarın jappay qudalau bastalğan bolatın. El biliginiñ rohindja mwsılmandarına jasağan isterin älem jwrtşılığı qatañ sınğa alıp, köpşiligi genocid degen bağa bergen bolatın. Tipti Resey men Şeşenstanda M'yanma mwsılmandarın qoldağan milliondağan adam qatısqan şeruler de ötken edi.

“The Qazaq Times”