ميانما: روحيندجا مۇسىلماندارىنا ەشقانداي گەنوتسيد جاسالعان جوق

ميانمانىڭ بىرىككەن ۇلتتار ۇيىمىنداعى وكىلى روحيندجا مۇسىلماندارىنا ەشقانداي گەنوتسيد جاسالماعاندىعىن ايتتى.

ميانمانىڭ بۇۇ-داعى تۇراقتى وكىلى حاۋ دو سۋان راكحاين شتاتىندا بولعان جاعدايلارعا بايلانىستى باس اسسامبلەيا مىنبەرىنەن سويلەگەن سوزىندە: «ماعان تۇسىندىرۋگە رۇقسات بەرىڭىزدەر. وسى ارادا ماعان دەيىن ميانما  بيلىگىنە ەشقانداي دالەلسىز روحيندجا مۇسىلماندارىنا گەنوتسيد جاسادى دەگەن ايىپتاۋلار ايتىلىپ جاتىر. مەن بۇل ايىپتاۋلاردى اقيقاتتان الشاقتاۋ دەپ ەسەپتەيمىن. ميانمادا بيلىك تاراپىنان راكحاين شاتاتىن ەتنيكالىق توپتاردان تازارتۋ نەمەسە از ۇلتتارعا گەنوتسيد جاساۋ بولعان جوق» - دەگەن.

ەستەرىڭىزگە سالايىق، تامىزدىڭ 25 كۇنى روحيندجا بۇلىكشىلەرىنىڭ جەرگىلىكتى پوليتسيا بەكەتتەرىنە جاساعان شابۋلدارىنان كەيىن، ميانمادا روحيندجا مۇسىلماندارىن جاپپاي قۋدالاۋ باستالعان بولاتىن. ەل بيلىگىنىڭ روحيندجا مۇسىلماندارىنا جاساعان ىستەرىن الەم جۇرتشىلىعى قاتاڭ سىنعا الىپ، كوپشىلىگى گەنوتسيد دەگەن باعا بەرگەن بولاتىن. ءتىپتى رەسەي مەن شەشەنستاندا ميانما مۇسىلماندارىن قولداعان ميلليونداعان ادام قاتىسقان شەرۋلەر دە وتكەن ەدى.

“The Qazaq Times”