Foto: wordyou.ru

Wlıbritaniyanıñ Europalıq odaqtan şığu turalı şeşimine qaramastan, London qalası älemdegi eñ iri qarjı ortalıqtarınıñ tiziminde birinşi orındı ielendi. Bwl turalı  Z/Yen Group Ltd. qarjı-konsaltingtik kompaniyasınıñ şoluınada aytılğan. Atalğan kompaniya halıqaralıq qarjı ortalıqtarınıñ indeksin (Global Financial Centres Index, GFCI) jartı jılda bir ret eseptep otıradı.

AQŞ-tıñ N'yu York qalası bolsa ekinşi orınğa tüsip qaldı. Sarapşılar mwnı AQŞ Prezidenti Donal'd Tramptıñ sauda sayasatımen baylanıstıradı.

Üşinşi orında Gonkong, odan keyin Singapur twr. Tokio besinşi orında qaldı. Sonday-aq, alğaşqı ondıqqa Şanhay  Toronto, Sidney, Cyurih jäne Beyjiñ kiredi, qıtay astanası birden 6 poziciyağa köterilgen.

Bwdan bölek, Londondağı qarjı operaciyalarınıñ basqa europalıq qalalarğa auıstırıluı sol qalalardıñ reytingin kötergen. Mısalı Frankfurt 23 orınnan 11 orınğa, Dublin 33 orınnan 30 orınğa köterilgen.

Çikago men Uaşington reytingte birden 17 jäne 16 satığa tömendep ketken. Vena 22 orınnan 42 orınğa deyin tömendedi.

Dubay Tayau Şığıs elderi arasında iri qarjı ortalıqtarınıñ köşin bastap twr (tizimde 18 orın). Ekinşi orında -  Abu-Dabi (tizimde 25 orın).

Varşava Şığıs Europa boyınşa eñ iri qarjı ortalığı (älemde 36-orın jäne reytingte 5 satığa joğarıladı) retinde tanıldı. Tallin men Riga, kerisinşe, reytingte tömendep, 44 jäne 53 orınğa ie boldı.

Ayta keteyik, Qazaqstanda 2018 jıldan bastap "Astana" halıqaralıq qarjı ortalığı jwmıs isteytin boladı. Bwl ortalıqtıñ maqsatı - älemdik tanımal birjalardı Qazaqstanda toptastıru jäne tehnologiya mümkindigi zor jaña qarjı alañın qwru. Ortalıq arqılı Astana qalasınıñ da iri qarjı ortalığı boluğa mümkindigi bar. Tek bükpesiz, aşıq jwmıstar atqarıluı kerek.

“The Qazaq Times”