Qazaqstan tuı men teñgesi. Körneki suret. Foto: Alau

Särsenbide ötken plenarlıq otırısta esep komiteti törağası Natal'ya Godunova bıltır dağdarısqa qarsı, jağdaydı retteuge bölingen 6,9 trln teñgeniñ 355 mlrd kölemindegi böligin jwmsauda kemşilikter anıqtalğanın mälimdedi.

«Dağdarısqa qarsı qarjını paydalanu boyınşa da mäseleler bar. 6,9 trln teñgeniñ 4,5 trln-ı tekserildi. Onıñ işinde 2 trln qarajatqa audit jürgizildi. 355 mlrd teñge qarjını qoldanuda zañbwzuşılıqtar anıqtaldı. Ükimetpen birlesken jwmıs barısında tağı 243 mlrd teñge josparlanıp, qayta bölindi», – dedi Godunova.

Sonımen qosa, Ükimet jwmıssızdıq 4,9%-dan aspaydı degenimen eldi jwmıspen qamtu üşin bağıttalğan qarjınıñ basım böligi uaqıtşa eñbek orındarın aşuğa ketken. Köbine bir jäne üş ay aralığındağı jwmıs orındarı. Esep komitetiniñ jetekşisiniñ sözine sensek, ministrler kabineti «memlekettik resurstardı bosqa ısırap etpeuge arnalğan» talaptar bekitip, şara qabıldağan. Dese de ekonomist sarapşılar men azamattıq qoğam belsendileri, azamattar jwmıssızdıqtıñ resmi körsetkişi şınayı jağdaydan äldeqayda alşaqtığın aytadı. Pandemiya bastalğalı birneşe milliondağan qazaqstandıq tabısınan qağılıp, ükimettik järdemaqığa swranıs bergen. Sodan beri de jwrttıñ äleumettik jağdayı oñala qoyğan joq.

"The Qazaq Times"