2020 jılı Britaniyanıñ halıq sanı keskin qısqarıp ketti. Demografiyadağı mwnday jağdayı Ekinşi düniejüzilik soğıstan beri bolıp körmegen. Ekspertterdiñ rastauınşa pandemiya sebebinen elden şamamen 1,3 mln adam şığıp ketken.

2004 jılı Şığıs Europadağı birqatar ölkeler EO qwramına kirgennen keyin Britaniyanı közdey mıñdağan migranttar ağılğan bolatın. Sol kezdegi Britan Wlttıq statistika ortalığı migranttardıñ sanın dälme-däl anıqtap şığu mümkin emes ekenin aytqan. Ekspertterdiñ sözinşe qazirgi jağday da sonday, elden şığıp ketkenderdiñ sanın anıq aytu qiın.

Britaniyada halıq sanınıñ kürt qısqarıp ketkeni turalı Djonatan Portes men Maykl O'Konnor attı ekonomister öz zertteu nätijesin BBC-men bölisken eken. Olarzertteulerine süyene otırıp 2019 jıldıñ üşinşi toqsanınan 2020 jılğa deyin elden 1,3 mln şamasındağı migrant şığıp ketken boluı mümkin dep körsetti. Olardıñ esebinşe, London qalasınıñ özinen 700 mıñ adam şığıp ketken, bwl ortalıq qalanıñ 8 payız halqı kedegen söz.

Atalğan zertteuşiler migranttar sanınıñ keskin qısqaruın pandemiya saldarınan jwmıs orındarınıñ qısqarıp ketuimen tüsindiredi. Äsirese, migranttar köbirek jwmıs isteytin meyramhana, turizm salaları karantindik şekteulerden köp zardap şekti. Bwl jağdaydıñ janama sebepteri qatarında köptegen joğarı oqu orındarınıñ onlayn oqıtuğa ötuimen tüsindiruge de boladı. Britaniyağa bilim izdep baratın şeteldikter alıs aralıqtı oquğa mäjbür.

Migranttar sanı kürt qısqarqan ortalıq qala tek London emes, Mäskeu de pandemiya kezinde özindegi migranttardıñ 40 payızın joğalttı. Bwl mälimetti bıltır qaraşada Mäskeu qalalıq ükimet resmi mälimdegen bolatın. Mälimetke säykes, saldarınan qwrılıs jäne kommunaldıq salalar zardap şekken. Mäskeudegi mwnday jağdaydı bıltır köktem jäne jaz aylarında Resey şekaralarında qamalıp qalğan orta aziyalıq migranttar mäselesinen-aq salmaqtauğa boladı.

RF ükimeti taratqan birqatar statistikalıq mälimetterden eldegi migranttardıñ 54 payızı jwmıssız qalğanın nemese aqısız eñbektermen kün köre bastağanın, 32 payızı tolıqtay kiris közderinen ayırılğanın bile alamız. Keybir zertteuler nätijesi Reseydegi äleumettik toptar arasında migranttardıñ indetke şaldığu körsetkişiniñ joğarı ekenin köruge boladı.

Bwğan deyin Batıs elderi, äsirese Batıs Europa elderi migraciya ağınınan alañdap kelgen. Migranttar ağımı wlttıq qauipsizdik pen ekonomikalıq qauipsizdikke qauip töndiredi dep qarağan. Alayda, Jahandıq indetten keyin migranttar ağını ekonomikalıq ösimge serpin berip otıratının körsetti. Bwnday pikirdi 2005 jılı Angliya bankınıñ jetekşisi Mervin Kiñ de aytqan eken. Ekspertterdiñ aytuınşa, alıp şaharlardıñ köp sandağı migranttardı joğaltuı qısqa merzimdi oñ äser bergendey köringenimen, ekrnomikanıñ wzaq uaqıttıq damu müddesine keri äser etpek.

“The Qazaq Times”