Franciya Prezidenti Emmanuel' Makron. Foto: rfi.fr

Franciyanıñ jañadan saylanğan Prezidenti Emmanuel' Makronnıñ reytingi tömendep jatır. Elabe kompaniyasınıñ halıq arasında jügizilgen saualnaması boyınşa memleket twrğındarınıñ 26%-ı prezidentke "mülde senbeytinderin" aytqan. Bwl turalı RIA Novosti habarlap otır.

Saualnama boyınşa, azamattardıñ senim reytinginde Makronnıñ körsetkişi üş payızdı joğalttı. Qazir Prezidentke halıqtıñ 37%-ı senedi. Al saualnamağa qatısqan respondentterdiñ 32%-ı memleket basşısına "asa sene qoymaytındarın" aytqan. Al  26% -ı "mülde senbeytinderin" jetkizgen. Zertteuge qatısuışlardıñ 5%-ı jauap beruge "qinalatındarın" aytqan. 

Ayta keteyik, Emmanuel' Makron mamır ayında ötken Prezident saylauına francuzdardıñ 45%-ınıñ qoldauına ie bolıp, bilik basına kelgen. Elabe statistikası boyınşa onıñ reytingi şilde ayınan bastap tömendey bastağan.

Reytingi tömendegen tek Makron ğana emes. Bwdan bölek, eldiñ prem'er-ministri Eduar Filippke de halıqtıñ senimi azaya bastağan. Sebebi oğan senetinderdiñ ülesi 32%-dı qwradı jäne ötken aymen salıstırğanda körsetkiş 5%-ğa tömen.

Saualnama internet arqılı 5-6 qırküyek aralığında jürgizilgen jäne oğan kämelettik jasqa tolğan 1002 francuz azamatı qatısqan.

 

“The Qazaq Times”