Jaña qozğalıstıñ qwrılatındığı jaylı mälimdeme jasap jatqan belsendiler. Almatı, 23 mausım 2021. Foto: Azattyq.org

Bügin, 23 mausımda Almatıda bir top qoğam belsendisi baspasöz mäslihatın ötkizip, "Halıq senimi" ("Narodnoe doverie") azamattıq qozğalısın qwratının mälimdedi. Bwl aqparattı Azattıq radiosı habarladı.

Azattıqtıñ jazuınşa, qozğalıs müşeleri arasında bwrınğı diplomat Qazbek Beysebaev, Jalpıwlttıq-social demokratiyalıq partiyasınıñ müşesi, ekonomist Aydar Älibaev, qoğam belsendileri Ğabiden Jäkey, Marat Uathan, jeltoqsanşı, jazuşı Talğat Aytbaywlı, auğan soğısı ardagerleriniñ basşısı Baydäulet Därkembay, aqın Bolat Şarahımbay bar. Qazbek Beysebaev pen Ğabiden Jäkey qozğalıstıñ teñ törağası retinde tanıstırılğan.

Bastamaşılar "Qazaqstanda biliktiñ halıqqa esep bermeytin qwytırqı jüyesi qalıptastı. Memleket halıq ünine qwlaq aspaydı. Reformalar qağaz jüzinde ğana. Ärtürli kümändi bağdarlamalar men jobalarğa byudjetten mol qarajat bölip jatır. Bilik "demokratiya jolımen jüyeli damıp kele jatır" dep aldarqatıp otır" dep sanaydı.

Qozğalıs bağdarlamasın oqığan Qazbek Beysebaev "Halıq senimi" qozğalısınıñ Qazaqstanda tıyım salınğan sayasi ekstremistik wyımdarmen jäne qanday da bir oppoziciyalıq wyımdarmen baylanısı joqtığın mälimdedi.

- Sırttan bireu kelip, elimizdiñ jağdayın jasap beredi dep ümittenuge, qol qusırıp otıruğa bolmaydı. Halıqtan şıqqan şınayı sayasi wyım bolsa qoldar edik degendi äleumettik jeliden jii köremiz. Bizdiñ qozğalıs nağız halıqtıq qozğalıs boladı,- dedi Qazbek Beysebaev.

Ğabiden Jäkeydiñ sözinşe, qozğalısqa kiremin deuşilerge şekteu joq.

Olardıñ sözinşe, "Halıq senimi" qozğalısı sayasatqa belsendi aralasıp, bolaşaqta partiyağa aynalatın boladı.

Bastamaşılar qozğalıs "kraudfanding" ädisimen halıqtan, jeke biznesten jinalğan qarjımen jwmıs isteytinin aytqan.

"The Qazaq Times"