فرانتسيا حالقى پرەزيدەنتىنە سەنبەيدى

فرانتسيانىڭ جاڭادان سايلانعان پرەزيدەنتى ەممانۋەل ماكروننىڭ رەيتينگى تومەندەپ جاتىر. Elabe كومپانياسىنىڭ حالىق اراسىندا جۇگىزىلگەن ساۋالناماسى بويىنشا مەملەكەت تۇرعىندارىنىڭ 26%-ى پرەزيدەنتكە "مۇلدە سەنبەيتىندەرىن" ايتقان. بۇل تۋرالى ريا نوۆوستي حابارلاپ وتىر.

ساۋالناما بويىنشا، ازاماتتاردىڭ سەنىم رەيتينگىندە ماكروننىڭ كورسەتكىشى ءۇش پايىزدى جوعالتتى. قازىر پرەزيدەنتكە حالىقتىڭ 37%-ى سەنەدى. ال ساۋالناماعا قاتىسقان رەسپوندەنتتەردىڭ 32%-ى مەملەكەت باسشىسىنا "اسا سەنە قويمايتىندارىن" ايتقان. ال  26% -ى "مۇلدە سەنبەيتىندەرىن" جەتكىزگەن. زەرتتەۋگە قاتىسۋىشلاردىڭ 5%-ى جاۋاپ بەرۋگە "قينالاتىندارىن" ايتقان. 

ايتا كەتەيىك، ەممانۋەل ماكرون مامىر ايىندا وتكەن پرەزيدەنت سايلاۋىنا فرانتسۋزداردىڭ 45%-ىنىڭ قولداۋىنا يە بولىپ، بيلىك باسىنا كەلگەن. Elabe ستاتيستيكاسى بويىنشا ونىڭ رەيتينگى شىلدە ايىنان باستاپ تومەندەي باستاعان.

رەيتينگى تومەندەگەن تەك ماكرون عانا ەمەس. بۇدان بولەك، ەلدىڭ پرەمەر-ءمينيسترى ەدۋار فيليپپكە دە حالىقتىڭ سەنىمى ازايا باستاعان. سەبەبى وعان سەنەتىندەردىڭ ۇلەسى 32%-دى قۇرادى جانە وتكەن ايمەن سالىستىرعاندا كورسەتكىش 5%-عا تومەن.

ساۋالناما ينتەرنەت ارقىلى 5-6 قىركۇيەك ارالىعىندا جۇرگىزىلگەن جانە وعان كامەلەتتىك جاسقا تولعان 1002 فرانتسۋز ازاماتى قاتىسقان.

“The Qazaq Times”