Franciya prezidenti Emmanuel' Makron. Foto: Reyter

Faranciyada jeksenbi küni (24 säuir) ötken prezident saylauında Emmanuel' Makron qaytalay prezident bolıp saylandı. Bwl saylauda Makron äsire oñşıldardıñ lideri Marin Le Pendi ekinşi ret jeñdi.

Saylau nätijesine say, Makron saylauşılardıñ 58,55 payızın, al Le Pen 41,45 payız dauısın jinağan. Degenmen, Makron men Le Pen arasındağı dauıs ayırmaşılığı bes jıl bwrınğı şamadan az. Bwl francuz memleketinde oñşıldardıñ jıldan jılğa joğarı basımdıqqa qaray örlep kele jatqanın körsetkendey boldı.

Francuz oñşıldarınıñ lideri Marin Le Pen. Foto: Reuters

Jeñis sözin söylep twrğan Makron: «Azamattardıñ köpşiligi meniñ ideyalarımdı qoldağanı üşin emes, äsire oñşıldardı qoldamağanınan dauıs bergenin bilemin. Äri men olarğa qarızdarmın, olarğa rahmet aytamın», – dedi. Franciyadağı äsire oñşıldardıñ lideri Le Pen men Makron ikşi sayasattan tartıp, Franciyanıñ Europa Odağı, NATO-men qarım-qatınası boyınşa da wstanımdarı qarama-qayşı.

Mälimetterge say, kezekti saylaudağı saylauşılardıñ belsendiligi tömen boldı, aytalıq saylauşılardıñ 28,1 payızı qalıs qaldı. Bwl 1969 jıldan bergi alğaşqı jağday.

Saylau qorıtındısı belgili bola salısımen Emmanuel' Makronnıñ atınan köptegen elderden qwttıqtaular kele bastadı. Alğaşqılardıñ biri bolıp AQŞ prezidenti Jo Baydennen jetken qwttıqtauda «Qwrama Ştattar prezident Makronmen ekijaqtı tığız qarım-qatınastı jalğastıratının» aytqan.

The Qazaq Times