Qazaq-qırğız şekarasın zañsız ötpek bolğan qarulı qırğız azamatı wstaldı, dep habarlaydı Almatı oblısınıñ işki ister departamentiniñ baspasöz qızmeti.

Vedomstvo taratqan mälimet boyınşa, 41 jastağı Qırğızstan azamatın tamızdıñ 16-sı küni Almatı oblısına qarastı Rayımbek audanınıñ şekaraşıları wstağan. Tekseru kezinde şekaradan zañsız ötken azamattan 7,62 milimetrlik «Tigr» qaruı tärkilengen.

Tergeu barısında Qırğızstan azamatı joğalğan malın izdep jürip Qazaqstan şekarasına adasıp ötip ketkendigin aytqan. Qazirgi tañda onıñ üstinen qılmıstıq is qozğalğan.

Esteriñizge salayıq, bwğan deyin tamızdıñ 12-si küni Jambıl obılısında Qazaqstan men Qırğızstan şektesetin «Jasörken» zastavasında zañğa bağınbay, şekara sımdarın bwzıp mal aydap ötpek bolğan 15 adamğa şekaraşılar oq atıp, saldarınan bir adam köz jwmğan bolatın.

“The Qazaq Times”