Qazaqstan atınan Arıstanbek Mwhamediwlı kelisimge qol qoydı. Foto: Pars.aqparat.

Beysenbi küni, Iran ortalıq qalası Tehranda (Tegeran) QR Mädeniet jäne sport ministri A. Mwhamediwlı men IIR Mädeniet jäne islamdıq baylanıstar wyımınıñ basşısı Abozar Ibrahimi eki el arasında mädeni saladağı keñeytilgen selbestik kelisimine qol qoydı. Bwl turalı Irannıñ "Pars.Aqparat" agenttigi habarlap otır.

29 tarmaqtan twratın kelisimge qol qoyılğannan keyin kinematografiya, teatr, muzıka salalarında eki jaqtı seriktestikter öristetilmek. Oğan qosa, qoljazbalar men Iran jäne Qazaqstannıñ mädeniet qayratkerleri arasında ıntımaqtastıq ornatıladı. Körmeler jäne mädeni aptalıqtar ötkizu bölimderindegi ekijaqtı ortaq äriptestikter jüzege asırıladı dep kütilude.

Soñğı jıldarı Iran Orta Aziya jäne Kaspiy teñizi aynalasındağı eldermen köpsalalı äriptestikti damıtudı qolğa alıp keledi. Sonıñ işinde Qazaqstan men Iran arasındağı sauda-ekonomikalıq, transporttıq, turizm salasında köptegen kelisimder qolğa keltirildi.

“The Qazaq Times”